ye meri tira-nasibi ye saadgi ye fareb — Seemab Akbarabadi

dekhte rahte hain chhup-chhup ke muraqqaa teraa
kabhi aati hai havaa bhi to chhupaa lete hain

tujhe daanista mahfil mein jo dekhaa ho to mujrim huun
nazar aakhir nazar hai be-iraada uTh gai hogi

manzil mili muraad mili muddaaa milaa
sab kuchh mujhe milaa jo tiraa naqsh-e-paa milaa

khudaa aur naakhudaa mil kar Dubo dein ye to mumkin hai
meri vajh-e-tabaahi sirf tufaan ho nahin saktaa

dekhte hi dekhte duniyaa se main uTh jaaungaa
dekhti ki dekhti rah jaaegi duniyaa mujhe

chamak jugnu ki barq-e-be-amaan maalum hoti hai
qafas mein rah ke qadr-e-aashiyaan maalum hoti hai

umr bhar us ne bevafaai ki
umr se bhi vo baa-vafaa na rahaa

ghair ne tum ko jaan kahaa samjhe bhi kuchh ki kyaa kahaa
yaani ki bevafaa kahaa jaan kaa e'tibaar kyaa

fareb-e-abr-e-karam bhi baDaa sahaaraa hai
balaa se nakhl-e-tamannaa khizaan-rasida nahin

kuchh din ke baa'd us se judaa ho gae 'munir'
us bevafaa se apni tabiat nahin mili

dil vo kaafir hai ki mujh ko na diyaa chain kabhi
bevafaa tu bhi ise le ke pashemaan hogaa

kisi tarah din to kaT rahe hain fareb-e-ummid khaa rahaa huun
hazaar-haa naqsh aarzu ke banaa rahaa huun miTaa rahaa huun