ik baar agar qafas ki havaa raas aa gai — Jagan Nath Azad

main dil mein un ki yaad ke tufaan ko paal kar
laayaa huun ek mauj-e-taghazzul nikaal kar

DhunDhne par bhi na miltaa thaa mujhe apnaa vajud
main talaash-e-dost mein yuun be-nishaan thaa dosto

allaah re be-khudi ki tire ghar ke aas-paas
har dar pe di sadaa tire dar ke khayaal mein

ibtidaa ye thi ki main thaa aur daavaa ilm kaa
intihaa ye hai ki is daave pe sharmaayaa bahut

sukun-e-dil jahaan-e-besh-o-kam mein DhunDne vaale
yahaan har chiiz milti hai sukun-e-dil nahin miltaa

niind kyaa hai zaraa si der ki maut
maut kyaa kyaa hai tamaam umr ki niind

zaahid tiraa to diin saraasar fareb hai
rishte se tere subha ke zunnaar hi bhalaa

kisi kaa yuun to huaa kaun umr bhar phir bhi
ye husn o ishq to dhokaa hai sab magar phir bhi

maujud mere dil mein jo zakhmon ke daagh hain
vo ek bevafaa ke sitam ke charaagh hain

zakhm bhi ab hasin lagte hain
tere haathon fareb khaane par

chaman ke rang-o-bu ne is qadar dhokaa diyaa mujh ko
ki main ne shauq-e-gul-bosi mein kaanTon par zabaan rakh di

in hi kaa naam mohabbat in hi kaa naam junun
miri nigaah ke dhoke tiri nazar ke fareb