ye samajh kar faqiri hi mein hai khudaa — Yashpal Gupta

jo sukh ke ujaale mein thaa parchhaain hamaari
ab dukh ke andhere mein vo saayaa nahin dekhaa

ham sufiyon kaa donon taraf se ziyaan huaa
irfaan-e-zaat bhi na huaa raat bhi gai

karim jo tujhe denaa hai be-talab de de
faqir huun pa nahin aadat-e-savaal mujhe

chhaaon detaa dhuup uThaataa raste mein
main ne dekhaa ek shajar darveshi mein

do-shaala shaal kashmiri amiron ko mubaarak ho
galim-e-kohna mein jaaDaa faqiron kaa basar hogaa

baazi-gaah-e-daar-o-rasan mein mai-kada-e-fikr-o-fan mein
ham rindon se raunaq hai ham durveshon se mele hain

na dastakein na sadaa kaun dar pe aayaa hai
faqir-e-shahr hai yaa shahryaar dekhiyegaa