chhaaon detaa dhuup uThaataa raste mein — Zahoor Chohan

aakhiri baar mulaaqaat to kar li hai magar
silsila apni mohabbat kaa kahaan aakhiri hai

rahtaa huun main jitnaa saath sab ke
lagtaa hai akelaa ho gayaa huun

main apne aap mein taqsim hone lagtaa huun
use kaho ki mire saamne na aayaa kare

kabhi kabhi to miraa ghar bhi mujh se puchhtaa hai
ki is jahaan mein koi teraa ghar bhi hai ki nahin

inhi jhuke hue peDon se guftugu hai miri
janaab mere buzurgon se guftugu hai miri

puuri ho jaati agar koi kahaani hoti
ye mohabbat hai miyaan is mein kasak rahti hai

shaikh mujh ko na Daraa apni musalmaani thaam
ham faqiron kaa kisi rang se imaan na jaae

sunte hain ishq naam ke guzre hain ik buzurg
ham log bhi faqir usi silsile ke hain

sunaa ye hai ki vo suufi bhi thaa vali bhi thaa
ab is ke baa'd to paighambari kaa darja hai

tamannaa dard-e-dil ki ho to kar khidmat faqiron ki
nahin miltaa ye gauhar baadshaahon ke khazinon mein

hakim o aarif o suufi tamaam mast-e-zahur
kise khabar ki tajalli hai ain-e-masturi

tum shaah-e-husn ho ke na puchho faqir se
aise bhare makaan se khaali gadaa phire