kisi bachche se pinjraa khul gayaa hai — Zia Zameer

mulk to mulk gharon par bhi hai qabza us kaa
ab to ghar bhi nahin chalte hain siyaasat ke baghair

— Zia Zameer

us ko nae safar mein nae ham-safar ke saath
dil khush huaa hai kyon ye ziyaa dekhte hue

— Zia Zameer

koi aasaan hai bhalaa rishte ko qaaem rakhnaa
girti divaar hai ham jis ko sambhaale hue hain

— Zia Zameer

tujh se kahaa thaa khushbuein us ke badan ki laaiyo
meraa ye kaam aaj tak tu ne sabaa nahin kiyaa

— Zia Zameer

zindagi rok ke aksar yahi kahti hai mujhe
tujh ko jaanaa thaa kidhar aur kidhar aa gayaa hai

— Zia Zameer

daanaaon ne ki daanaai muund liin aankhein
chauraahe par qatl huaa paagal ne dekhaa

— Zia Zameer

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

umr hi teri guzar jaaegi un ke hal mein
teraa bachcha jo savaalaat liye baiThaa hai

— Hamid Mukhtar Hamid

kal yahi bachche samundar ko muqaabil paaeinge
aaj tairaate hain jo kaaghaz ki nannhi kashtiyaan

— Hasan Akbar Kamal

miri mohabbat mein saari duniyaa ko ik khilaunaa banaa diyaa hai
ye zindagi ban gai hai maan aur mujh ko bachcha banaa diyaa hai

— Farhat Ehsas

zabt TuuTaa to kuchh bhi bachegaa nahin
zabt meraa na yuun aazmaa zindagi

— Amina Raushni Risha

khilaune ki taDap mein khud khilaunaa vo na ban jaae
miraa bachcha saDak par rezgaari le ke niklaa hai

— Raoof Khair