tujh se kahaa thaa khushbuein us ke badan ki laaiyo — Zia Zameer

mulk to mulk gharon par bhi hai qabza us kaa
ab to ghar bhi nahin chalte hain siyaasat ke baghair

us ko nae safar mein nae ham-safar ke saath
dil khush huaa hai kyon ye ziyaa dekhte hue

koi aasaan hai bhalaa rishte ko qaaem rakhnaa
girti divaar hai ham jis ko sambhaale hue hain

zindagi rok ke aksar yahi kahti hai mujhe
tujh ko jaanaa thaa kidhar aur kidhar aa gayaa hai

mahfil mere dam se mahfil phir bhi mujh mein
ek bhayaanak tanhaai bhi poshida hai

daanaaon ne ki daanaai muund liin aankhein
chauraahe par qatl huaa paagal ne dekhaa

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

shor din ko nahin sone detaa
shab ko sannaaTaa jagaa detaa hai

be-khud aisaa kiyaa khauf-e-shab-e-tanhaai ne
subah se shama jalaa di tire saudaai ne

phir chheDaa 'hasan' ne apnaa qissa
bas aaj ki shab bhi so chuke ham

raat paDe ghar jaanaa hai
subh talak mar jaanaa hai