umr hi teri guzar jaaegi un ke hal mein — Hamid Mukhtar Hamid

mujh se ye pyaas kaa sahraa nahin dekhaa jaataa
roz ab khvaab mein dariyaa nahin dekhaa jaataa

ye jafaaon ki sazaa hai ki tamaashaai hai tu
ye vafaaon ki sazaa hai ki pae-daar huun main

gir na jaae tire meyaar se andaaz-e-huruf
yuun kabhi naam bhi teraa nahin likhkhaa main ne

aaj kaa khat hi use bhejaa hai koraa lekin
aaj kaa khat hi adhuraa nahin likhkhaa main ne

ye buzurgon ki ravaa-daari ke pazh-murda gulaab
aabiyaari chaahte hain in mein chingaari na rakh

maqaam-e-zabt gham-e-ishq mein vo paidaa kar
ki tu khushi ko na tarse tujhe khushi tarse

kam-umri mein sunet hain
mar jaate hain achchhe log

idhar to tuul diyaa hai umiid ko us ne
udhar hayaat ataa ki hai mukhtasar mujh ko

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

afsos umr kaT gai ranj-o-malaal mein
dekhaa na khvaab mein bhi jo kuchh thaa khayaal mein

bas ek pal ki tamannaa-e-vasl ki khaatir
tamaam 'umr lagaa di gai sanvarne mein