daanaaon ne ki daanaai muund liin aankhein — Zia Zameer

us ko nae safar mein nae ham-safar ke saath
dil khush huaa hai kyon ye ziyaa dekhte hue

koi aasaan hai bhalaa rishte ko qaaem rakhnaa
girti divaar hai ham jis ko sambhaale hue hain

tujh se kahaa thaa khushbuein us ke badan ki laaiyo
meraa ye kaam aaj tak tu ne sabaa nahin kiyaa

zindagi rok ke aksar yahi kahti hai mujhe
tujh ko jaanaa thaa kidhar aur kidhar aa gayaa hai

mahfil mere dam se mahfil phir bhi mujh mein
ek bhayaanak tanhaai bhi poshida hai

mulk to mulk gharon par bhi hai qabza us kaa
ab to ghar bhi nahin chalte hain siyaasat ke baghair

apni anaa ki aaj bhi taskin ham ne ki
ji bhar ke us ke husn ki tauhin ham ne ki

kyon tasavvur mein ji rahaa huun main
jab haqiqat mein mar hi jaanaa hai

ai be-khudi-e-dil mujhe ye bhi khabar nahin
kis din bahaar aai main divaana kab huaa

hai ab is maamure mein qaht-e-gham-e-ulfat 'asad'
ham ne ye maanaa ki dilli mein rahein khaaveinge kyaa

kaav kaav-e-sakht-jaani haae-tanhaai na puchh
subh karnaa shaam kaa laanaa hai ju-e-shir kaa

mazmun-e-sard-mehri-e-jaanaan raqam karun
gar haath aae kaaghaz-e-kashmir kaa varaq