main us ke jaal mein aaungaa dekhnaa 'qaisar' — Zubair Qaisar

tiraa javaab mire kaam kaa nahin hai ab
ki main to bhuul chukaa huun savaal vaise hi

— Zubair Qaisar

ye nafsiyaati marizon kaa shahr hai 'qaisar'
koi savaal uThaaoge maare jaaoge

— Zubair Qaisar

tiri tasvir uThaai hui hai
raushni khvaab mein aai hui hai

— Zubair Qaisar

subh tak be-talab main jaagungaa
aaj to be-sabab main jaagungaa

— Zubair Qaisar

shikasta khvaab mire aaine mein rakkhe hain
ye kyaa azaab mire aaine mein rakkhe hain

— Zubair Qaisar

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

ret par ik nishaan hai shaayad
ye hamaaraa makaan hai shaayad

— Muzaffar Abdali

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid