tiri tasvir uThaai hui hai — Zubair Qaisar

tiraa javaab mire kaam kaa nahin hai ab
ki main to bhuul chukaa huun savaal vaise hi

ye nafsiyaati marizon kaa shahr hai 'qaisar'
koi savaal uThaaoge maare jaaoge

subh tak be-talab main jaagungaa
aaj to be-sabab main jaagungaa

main us ke jaal mein aaungaa dekhnaa 'qaisar'
vo mujh ko dhoke se ghar mein bulaa ke maaregaa

shikasta khvaab mire aaine mein rakkhe hain
ye kyaa azaab mire aaine mein rakkhe hain

mere khvaabon ke jharokon ko sajaate rahiye
na sahi vasl magar yaad to aate rahiye

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

afsos umr kaT gai ranj-o-malaal mein
dekhaa na khvaab mein bhi jo kuchh thaa khayaal mein

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

dekhnaa taa'bir mein har subh ko sahraa ki pyaas
raat ko phir apne khvaabon mein samundar dekhnaa

vo khvaab the jinhein ham mil ke dekh sakte the
ye baar-e-zist hai tanhaa uThaanaa paDtaa hai