Amir Hamza Saqib

tah kar chuke bisat-e-gham-o-fikr-e-rozgar
tab khanqah-e-ishq-o-mohabbat men aa.e hain

tumhari zaat havala hai surkh-rui ka
tumhare zikr ko sab shart-e-fan banate hain

khabar bhi hai tujhe is daftar-e-mohabbat ko
jalane jalne men kya kya zamane lagte hain

meri barhana pusht thi koDon se sabz o surkh
gore badan pe us ke bhi niila nishan tha

lahu jigar ka hua sarf-e-rang-e-dast-e-hina
jo sauda sar men tha sahra khangalne men gaya

ye gard hai miri ankhon men kin zamanon ki
na.e libas bhi ab to purane lagte hain

tumhaari zaat havaala hai surkh-rui kaa
tumhaare zikr ko sab shart-e-fan banaate hain

teri khushbu tiraa paikar hai mire sheron mein
jaan yunhi nahin ye tarz-e-misaali meraa

meri duniyaa isi duniyaa mein kahin rahti hai
varna ye duniyaa kahaan husn-e-talab thi meraa

makaan ujaaD thaa aur laa-makaan ki khvaahish thi
so apne aap se baahar qayaam kar liyaa hai

khabar bhi hai tujhe is daftar-e-mohabbat ko
jalaane jalne mein kyaa kyaa zamaane lagte hain

ye gard hai miri aankhon mein kin zamaanon ki
nae libaas bhi ab to puraane lagte hain