teri khushbu tiraa paikar hai mire sheron mein — Amir Hamza Saqib

ye gard hai miri aankhon mein kin zamaanon ki
nae libaas bhi ab to puraane lagte hain

tumhaari zaat havaala hai surkh-rui kaa
tumhaare zikr ko sab shart-e-fan banaate hain

meri duniyaa isi duniyaa mein kahin rahti hai
varna ye duniyaa kahaan husn-e-talab thi meraa

makaan ujaaD thaa aur laa-makaan ki khvaahish thi
so apne aap se baahar qayaam kar liyaa hai

khabar bhi hai tujhe is daftar-e-mohabbat ko
jalaane jalne mein kyaa kyaa zamaane lagte hain

meri barhana pusht thi koDon se sabz o surkh
gore badan pe us ke bhi niilaa nishaan thaa

shor din ko nahin sone detaa
shab ko sannaaTaa jagaa detaa hai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

bas ek raat Thaharnaa hai kyaa gila kiije
musaafiron ko ghanimat hai ye saraae bahut

mujh se milne shab-e-gham aur to kaun aaegaa
meraa saaya hai jo divaar pe jam jaaegaa

aaj aankhon mein koi raat gae aaegaa
aaj ki raat ye darvaaza khulaa rahne de