khabar bhi hai tujhe is daftar-e-mohabbat ko — Amir Hamza Saqib

ye gard hai miri aankhon mein kin zamaanon ki
nae libaas bhi ab to puraane lagte hain

tumhaari zaat havaala hai surkh-rui kaa
tumhaare zikr ko sab shart-e-fan banaate hain

teri khushbu tiraa paikar hai mire sheron mein
jaan yunhi nahin ye tarz-e-misaali meraa

meri duniyaa isi duniyaa mein kahin rahti hai
varna ye duniyaa kahaan husn-e-talab thi meraa

makaan ujaaD thaa aur laa-makaan ki khvaahish thi
so apne aap se baahar qayaam kar liyaa hai

meri barhana pusht thi koDon se sabz o surkh
gore badan pe us ke bhi niilaa nishaan thaa

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

karvaTon se bus ki bus mein aur halchal ho gai
daastaan-e-ishq kitnon ki mukammal ho gai

tum se ulfat ke taqaaze na nibaahe jaate
varna ham ko bhi tamannaa thi ki chaahe jaate

bad-nasibi ki ishq kar ke bhi
koi dhoka nahin huaa mire saath

dil mubtalaa-e-hijr rifaaqat mein rah gayaa
lagtaa hai koi farq mohabbat mein rah gayaa