Anjum Siddiqui

ik tabassum hazar-ha aansu
ibtida vo thi intiha hai ye

dimagh un ke tajassus men jism ghar men raha
main apne ghar hi men rahte hue safar men raha

miri tanha.i ka aalam na puchho
khayal-e-dostan hai aur main huun

aarzu ki ye saza hai ki zamana hai khilaf
un se milne ki khuda jaane saza kya hogi

hijr ki lazzaton ka kya kahna
vo na aa.en miri dua hai ye

fasl-e-gul aa ga.i hai ahl-e-junun
phir gareban ko taar taar karen

dimaagh un ke tajassus mein jism ghar mein rahaa
main apne ghar hi mein rahte hue safar mein rahaa

fasl-e-gul aa gai hai ahl-e-junun
phir garebaan ko taar taar karein

ik tabassum hazaar-haa aansu
ibtidaa vo thi intihaa hai ye

miri tanhaai kaa aalam na puchho
khayaal-e-dostaan hai aur main huun

aarzu ki ye sazaa hai ki zamaana hai khilaaf
un se milne ki khudaa jaane sazaa kyaa hogi

hijr ki lazzaton kaa kyaa kahnaa
vo na aaein miri duaa hai ye