hijr ki lazzaton kaa kyaa kahnaa — Anjum Siddiqui

fasl-e-gul aa gai hai ahl-e-junun
phir garebaan ko taar taar karein

dimaagh un ke tajassus mein jism ghar mein rahaa
main apne ghar hi mein rahte hue safar mein rahaa

ik tabassum hazaar-haa aansu
ibtidaa vo thi intihaa hai ye

miri tanhaai kaa aalam na puchho
khayaal-e-dostaan hai aur main huun

aarzu ki ye sazaa hai ki zamaana hai khilaaf
un se milne ki khudaa jaane sazaa kyaa hogi

ai dost is zamaan-o-makaan ke azaab mein
dushman hai jo kisi ko duaa-e-hayaat de

main chaahtaa thaa miraa ishq laa-zavaal rahe
so maghfirat ki duaa maangtaa rahaa kal raat

zakhm aur peD ne ik saath duaa maangi hai
dekhiye pahle yahaan kaun haraa hotaa hai

baDhe kuchh aur kisi iltijaa se kam na hue
mire harif tumhaari duaa se kam na hue

aae hain sunte ki aisaa vaqt bhi aataa hai jab
ho davaa yaa phir duaa kuchh kaargar hotaa nahin

harif-e-matlab-e-mushkil nahin fusun-e-niyaaz
duaa qubul ho yaa rab ki umr-e-khizr daraaz!