Anwar Taban

aa.ega vo din hamari zindagi men bhi zarur
jo andheron ko miTa kar raushni de ja.ega

ye yaqin hai ki meri ulfat ka
hoga un par asar kabhi na kabhi

is khauf men ki khud na bhaTak jaa.en raah men
bhaTke huon ko raah dikhata nahin koi

kisi ki barq-e-nazar se na bijliyon se jale
kuchh is tarah ki ho ta.amir ashiyane ki

har ek shakhs mira shahr men shanasa tha
magar jo ghaur se dekha to main akela tha

ji to ye chahta hai mar jaa.en
zindagi ab tiri raza kya hai

hanste hanste nikal paDe aansu
rote rote kabhi hansi aai

khushi ki baat aur hai ghamon ki baat aur
tumhaari baat aur hai hamaari baat aur

har ek shakhs miraa shahr mein shanaasaa thaa
magar jo ghaur se dekhaa to main akelaa thaa

shaayad aa jaae kabhi dekhne vo rashk-e-masih
main kisi aur se is vaaste achchhaa na huaa

ji to ye chaahtaa hai mar jaaein
zindagi ab tiri razaa kyaa hai

sukun qalb ko jis se mil jaae 'taabaan'
ghazal koi aisi sunaa dijiyegaa