sukun qalb ko jis se mil jaae 'taabaan' — Anwar Taban

khushi ki baat aur hai ghamon ki baat aur
tumhaari baat aur hai hamaari baat aur

har ek shakhs miraa shahr mein shanaasaa thaa
magar jo ghaur se dekhaa to main akelaa thaa

shaayad aa jaae kabhi dekhne vo rashk-e-masih
main kisi aur se is vaaste achchhaa na huaa

ji to ye chaahtaa hai mar jaaein
zindagi ab tiri razaa kyaa hai

aaegaa vo din hamaari zindagi mein bhi zarur
jo andheron ko miTaa kar raushni de jaaegaa

hanste hanste nikal paDe aansu
rote rote kabhi hansi aai

main baDaa ho gayaa huun magar bachpanaa
mere dil se kabhi bhi gayaa hi nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

'saif' andaaz-e-bayaan rang badal detaa hai
varna duniyaa mein koi baat nai baat nahin

na kuchh aalim samajhte hain na kuchh jaahil samajhte hain
mohabbat ki haqiqat ko bas ahl-e-dil samajhte hain

nazar jis ki taraf kar ke nigaahein pher lete ho
qayaamat tak phir us dil ki pareshaani nahin jaati

dil-e-betaab kaa andaaz-e-bayaan hai varna
shukr mein kaun si shai hai jo shikaayat mein nahin