ji to ye chaahtaa hai mar jaaein — Anwar Taban

hanste hanste nikal paDe aansu
rote rote kabhi hansi aai

khushi ki baat aur hai ghamon ki baat aur
tumhaari baat aur hai hamaari baat aur

har ek shakhs miraa shahr mein shanaasaa thaa
magar jo ghaur se dekhaa to main akelaa thaa

shaayad aa jaae kabhi dekhne vo rashk-e-masih
main kisi aur se is vaaste achchhaa na huaa

aaegaa vo din hamaari zindagi mein bhi zarur
jo andheron ko miTaa kar raushni de jaaegaa

sukun qalb ko jis se mil jaae 'taabaan'
ghazal koi aisi sunaa dijiyegaa

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

guzaartaa huun ise jis tarah se 'mustahsan'
ye zindagi mujhe tartib mein nahin lagti