Inamullah Khan Yaqeen

haq mujhe batil-ashna na kare
main buton se phirun khuda na kare

agarche ishq men aafat hai aur bala bhi hai
nira bura nahin ye shaghl kuchh bhala bhi hai

sau sau hain iltifat taghaful men yaar ke
beganagi se us ki koi ashna nahin

ye vo aansu hain jin se zohra atishnak ho jaave
agar piive koi un ko to jal kar khaak ho jaave

khalvat ho aur sharab ho ma.ashuq samne
zahid tujhe qasam hai jo tu ho to kya kare

umr fariyad men barbad ga.i kuchh na hua
naala mash.hur ghalat hai ki asar karta hai

is ashk o aah mein saudaa bigaD na jaae kahin
ye dil kuchh aab-rasida hai kuchh jalaa bhi hai

chashm-e-tar par gar nahin kartaa havaa par rahm kar
de le saaqi ham ko mai ye abr-e-baaraan phir kahaan

kyaa badan hogaa ki jis ke kholte jaame kaa band
barg-e-gul ki tarah har naakhun moattar ho gayaa

misr mein husn ki vo garmi-e-baazaar kahaan
jins to hai pe zulekhaa saa kharidaar kahaan

umr fariyaad mein barbaad gai kuchh na huaa
naala mashhur ghalat hai ki asar kartaa hai

khalvat ho aur sharaab ho maashuq saamne
zaahid tujhe qasam hai jo tu ho to kyaa kare