chashm-e-tar par gar nahin kartaa havaa par rahm kar — Inamullah Khan Yaqeen

is ashk o aah mein saudaa bigaD na jaae kahin
ye dil kuchh aab-rasida hai kuchh jalaa bhi hai

kyaa badan hogaa ki jis ke kholte jaame kaa band
barg-e-gul ki tarah har naakhun moattar ho gayaa

misr mein husn ki vo garmi-e-baazaar kahaan
jins to hai pe zulekhaa saa kharidaar kahaan

umr fariyaad mein barbaad gai kuchh na huaa
naala mashhur ghalat hai ki asar kartaa hai

dosti bad balaa hai is mein khudaa
kisi dushman ko mubtalaa na kare

khalvat ho aur sharaab ho maashuq saamne
zaahid tujhe qasam hai jo tu ho to kyaa kare

barsaat kaa baadal to divaana hai kyaa jaane
kis raah se bachnaa hai kis chhat ko bhigonaa hai

pyaaso raho na dasht mein baarish ke muntazir
maaro zamin pe paanv ki paani nikal paDe

palaT ke aa gai kheme ki samt pyaas miri
phaTe hue the sabhi baadalon ke mashkize

raakhiyaan le ke silonon ki barahman niklein
taar baarish kaa to TuuTe koi saaat koi pal

tujh se mil kar sab se naate toD liye the
ham ne baadal dekh ke maTke phoD liye the

shokhiyaan maasumiyat schōl jhulaa baarishein
kitni yaadein saath laayaa jab koi bachhDaa milaa