namāz shukr kī paḌhtā hai jaam toḌ ke shaiḳh — Shayari Of Muneer Shikohabadi

ehsān nahīñ ḳhvāb meñ aa.e jo mire paas
chorī kī mulāqāt mulāqāt nahīñ hai

mahrūm huuñ maiñ ḳhidmat-e-ustād se 'munīr'
kalkatta mujh ko gor se bhī tañg ho gayā

sarsoñ jo phūlī dīda-e-jām-e-sharāb meñ
bint-ul-anab se karne lagā shoḳhiyāñ basant

ho gayā huuñ maiñ naqāb-e-rū-e-raushan par faqīr
chāhiye tah-band mujh ko chādar-e-mahtāb kā

dekhā hai āshiqoñ ne barahman kī aañkh se
har but ḳhudā hai chāhne vāloñ ke sāmne

jaatī hai duur baat nikal kar zabān se
phirtā nahīñ vo tiir jo niklā kamān se

ab to ye aarzū hai ki vo zaḳhm khā.iye
tā-zindagī ye dil na koī aarzū kare

'iqbāl' lakhna.ū se na dillī se hai ġharaz
ham to asiir haiñ ḳham-e-zulf-e-kamāl ke

vo āshiqī ke khet meñ sābit qadam huā
jo koī zaḳhm-e-ishq liyā dil kī Dhaal par

takiya-e-maḳhmalī sirhāne rakh
lekin āñkhoñ siiñ apnī ḳhvāb nikāl

sar pā-e-ḳhum pe chāhiye hañgām-e-be-ḳhudī
rū sū-e-qibla vaqt-e-munājāt chāhiye

qismat meñ gar hamārī ye mai hai to sāqiyā
be-iḳhtiyār aap se shīsha karegā jast