Pandit Jawahar Nath Saqi

bura.i bhala.i ki surat hui
mohabbat men sab kuchh rava ho gaya

dil bhi ab pahlu-tahi karne laga
ho gaya tum sa tumhari yaad men

jazba-e-ishq chahiye suufi
jo hai afsurda ahl-e-hal nahin

ye risala ishq ka hai adaq tire ghaur karne ka hai sabaq
kabhi dekh is ko varaq varaq mira siina gham ki kitab hai

mahv-e-liqa jo hain malakuti-khisal hain
bedar ho ke bhi nazar aate hain khvab men

nigah-e-naz se is chust qaba ne dekha
shauq betab gul-e-chak-e-gareban samjha

apne junun-kade se nikaltaa hi ab nahin
saaqi jo mai-farosh sar-e-rahguzaar thaa

falak pe chaand sitaare nikalte hain har shab
sitam yahi hai nikaltaa nahin hamaaraa chaand

ham ko bharam ne bahr-e-tavahhum banaa diyaa
dariyaa samajh ke kuud paDe ham saraab mein

vo maah jalva dikhaa kar hamein huaa ru-posh
ye aarzu hai ki nikle kahin dobaaraa chaand

qaalib ko apne chhoD ke maqlub ho gae
kyaa aur koi qalb hai is inqalaab mein

jazba-e-ishq chaahiye suufi
jo hai afsurda ahl-e-haal nahin