jazba-e-ishq chaahiye suufi — Pandit Jawahar Nath Saqi

falak pe chaand sitaare nikalte hain har shab
sitam yahi hai nikaltaa nahin hamaaraa chaand

ham ko bharam ne bahr-e-tavahhum banaa diyaa
dariyaa samajh ke kuud paDe ham saraab mein

vo maah jalva dikhaa kar hamein huaa ru-posh
ye aarzu hai ki nikle kahin dobaaraa chaand

qaalib ko apne chhoD ke maqlub ho gae
kyaa aur koi qalb hai is inqalaab mein

nahin khultaa sabab tabassum kaa
aaj kyaa koi bosa deinge aap

apne junun-kade se nikaltaa hi ab nahin
saaqi jo mai-farosh sar-e-rahguzaar thaa

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

aataa nahin samajh mein ki kahte hain kis ko ishq
ik purze par ye harf judaa likh rakheinge ham

be-takalluf maqaam-e-ulfat hai
daagh uTThe ki aabla baiThe

haan ye to bataa ai dil-e-mahrum-e-tamannaa
ab bhi koi hotaa hai ki armaan nahin hotaa

aap aae ban paDi mere dil-e-naashaad ki
aap bigDe ban gai mere dil-e-naashaad par