Peer Sher Mohammad Ajiz

kisi ki zulf ke saude men raat ki hai basar
kisi ke rukh ke tasavvur men din tamam kiya

na to main huur ka maftun na pari ka ashiq
khaak ke putle ka hai khaak ka putla ashiq

jab us ne mira khat na chhua haath se apne
qasid ne bhi chipka diya divar se kaghaz

phaT jaate hain zakhm-e-dil-e-betab ke angur
saaqi tire hathon se jo saghar nahin milta

shab-e-vasl aaj vo takid karte hain mohabbat se
abhi so rahne do kuchh raat guzre to jaga lena

suna hai arsh-e-ilahi isi ko kahte hain
tavaf-e-ka.aba-e-dil ham ne sub.h-o-sham kiya

kisi ki zulf ke saude mein raat ki hai basar
kisi ke rukh ke tasavvur mein din tamaam kiyaa

na to main huur kaa maftun na pari kaa aashiq
khaak ke putle kaa hai khaak kaa putlaa aashiq

jab us ne miraa khat na chhuaa haath se apne
qaasid ne bhi chipkaa diyaa divaar se kaaghaz

phaT jaate hain zakhm-e-dil-e-betaab ke angur
saaqi tire haathon se jo saaghar nahin miltaa

shab-e-vasl aaj vo taakid karte hain mohabbat se
abhi so rahne do kuchh raat guzre to jagaa lenaa

sunaa hai arsh-e-ilaahi isi ko kahte hain
tavaaf-e-kaaba-e-dil ham ne subh-o-shaam kiyaa