Tanveer Anjum

"lamha-e-imkan ko pahlu badalte dekhna atish-e-be-rang men khud ko pighalte dekhna"

"mujhe aziiz hai be-ehtiyati-e-sada na shauq hai na hunar us ko azmane ka"

"gham-e-zamana jab na ho gham-e-vajud DhunD luun ki ik zamin-e-jan jo hai vo daghdar chahiye"

"duur tak ye raste khamosh hain duur tak ham khud ko sunte ja.enge"

"shahron ke saare jangal gunjan ho ga.e hain phir log mere andar sunsan ho ga.e hain"

"is khubi-e-qismat pe mujhe naaz bahut hai vo shakhs miri jaan ka talabgar hua hai"

is khubi-e-qismat pe mujhe naaz bahut hai
vo shakhs miri jaan kaa talabgaar huaa hai

shahron ke saare jangal gunjaan ho gae hain
phir log mere andar sunsaan ho gae hain

duur tak ye raaste khaamosh hain
duur tak ham khud ko sunte jaaeinge

dukhon ke ruup bahut aur sukhon ke khvaab bahut
tiraa karam hai bahut par mire azaab bahut

TuuTi hai ye kashti to mire saath safar ko
vo jaan-e-masaafat miraa tayyaar huaa hai

fareb-e-qurb-e-yaar ho ki hasrat-e-supurdagi
kisi sabab se dil mujhe ye be-qaraar chaahiye