fareb-e-qurb-e-yaar ho ki hasrat-e-supurdagi — Tanveer Anjum

is khubi-e-qismat pe mujhe naaz bahut hai
vo shakhs miri jaan kaa talabgaar huaa hai

shahron ke saare jangal gunjaan ho gae hain
phir log mere andar sunsaan ho gae hain

duur tak ye raaste khaamosh hain
duur tak ham khud ko sunte jaaeinge

dukhon ke ruup bahut aur sukhon ke khvaab bahut
tiraa karam hai bahut par mire azaab bahut

TuuTi hai ye kashti to mire saath safar ko
vo jaan-e-masaafat miraa tayyaar huaa hai

lamha-e-imkaan ko pahlu badalte dekhnaa
aatish-e-be-rang mein khud ko pighalte dekhnaa

jab ki pahlu se yaar uThtaa hai
dard be-ikhtiyaar uThtaa hai

barseingi aaj rahmatein aamad hai yaar ki
naayaab hain ye ghaDiyaan tire intizaar ki

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

kucha-e-jaanaan mein yaaro kaun suntaa hai miri
mujh se vaan phirte hain laakhon daad aur be-daad mein

visaal-e-yaar gar haraam hai to sun
haraam ko halaal kar visaal kar

ham do bande hain aur cigarette ek
ab khabar hogi dosti ki dost