duur tak ye raaste khaamosh hain — Tanveer Anjum

is khubi-e-qismat pe mujhe naaz bahut hai
vo shakhs miri jaan kaa talabgaar huaa hai

shahron ke saare jangal gunjaan ho gae hain
phir log mere andar sunsaan ho gae hain

dukhon ke ruup bahut aur sukhon ke khvaab bahut
tiraa karam hai bahut par mire azaab bahut

TuuTi hai ye kashti to mire saath safar ko
vo jaan-e-masaafat miraa tayyaar huaa hai

fareb-e-qurb-e-yaar ho ki hasrat-e-supurdagi
kisi sabab se dil mujhe ye be-qaraar chaahiye

lamha-e-imkaan ko pahlu badalte dekhnaa
aatish-e-be-rang mein khud ko pighalte dekhnaa

main baDaa ho gayaa huun magar bachpanaa
mere dil se kabhi bhi gayaa hi nahin

raat yuun dil mein tiri khoi hui yaad aai
jaise viraane mein chupke se bahaar aa jaae

kitni aankhein dar-o-divaar se chipki hui hain
raasta bhule hue shakhs kabhi ghar bhi to aa

sair ki ham ne jo kal mahfil-e-khaamoshaan ki
na to begaana hi bolaa na pukaaraa apnaa

gulon ne kaanTon ke chheDne par sivaa khamoshi ke dam na maaraa
sharif uljheinge gar kisi se to phir sharaafat kahaan rahegi

is zamaane mein khamoshi se nikaltaa nahin kaam
naala pur-shor ho aur zoron pe fariyaad rahe