dariyaa dikhaai detaa hai har ek reg-zaar — Wali Aasi

dosto DhunD ke ham saa koi pyaasaa laao
ham to aansu bhi jo piite hain to paani ki tarah

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

musallaa rakhte hain sahbaa-o-jaam rakhte hain
faqir sab ke liye intizaam rakhte hain

sameT bikhre hue kaaghzaat ko apne
koi sadaa tujhe vaapas bulaane vaali hai

sab bichhDe saathi mil jaaein murjhaaein chehre khil jaaein
sab chaak dilon ke sil jaaein koi aisaa kaam karo 'vaali'

main jis kaa javaab na de paaun
aisaa bhi koi savaal karnaa

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

kuchh nahin bahr-e-jahaan ki mauj par mat bhuul 'mir'
duur se dariyaa nazar aataa hai lekin hai saraab

isi qadar hai hayaat o ajal ke biich kaa farq
ye ek dhuup kaa dariyaa vo ik kinaara-e-shaam

hansnaa ronaa paanaa khonaa marnaa jiinaa paani par
paDhiye to kyaa kyaa likkhaa hai dariyaa ki peshaani par

vahshat-e-duniyaa-gazida ab hain zaat-o-kaaenaat
sharh-e-naala girya-e-ehsaas-o-jaan kaise karun

aaj insaan ko tapte sahraa mein
bahtaa dariyaa talaash karnaa hai