dasht-navardi mein koi saat thaa — Mohammad Izhar Ul Haq

"vajud par inhisaar main ne nahin kiyaa thaa ki khaak kaa e'tibaar main ne nahin kiyaa thaa safed resham ki oDhni mere haath mein thi magar use daagh-daar main ne nahin kiyaa thaa ye be-niyaazi ki khu mire husn mein bahut thi magar use be-qaraar main ne nahin kiyaa thaa milaa thaa khorajin mein liye meraa kaasa-e-sar magar use sharmsaar main ne nahin kiyaa thaa kahin se yak-lakht zindagi meri kaaT degaa jo raasta ikhtiyaar main ne nahin kiyaa thaa sumon-tale raund de khushi se magar ye sun le gunaah ai shahsavaar! main ne nahin kiyaa thaa dikhaai dene lagaa vo ik tisraa kinaaraa abhi javaani ko paar main ne nahin kiyaa thaa ghurub kaa vaqt thaa muqarrar so chal paDaa main kisi kaa phir intizaar main ne nahin kiyaa thaa"

"lahu mein kyaa bataaein raushni kaisi mili thi mili thi bas mohabbat jis tarah ki bhi mili thi bahut si jam' kar rakkhi thiin us ne kahkashaaein main royaa to mujhe ik qaash suraj ki mili thi uThaate kis tarah palkon ki lambaai kaa jhagDaa bahut mushkil se aankhein aur binaai mili thi hayaa thi aankh mein gandum ke khoshe haath mein the 'ajab haalat mein thi jab mujh ko uryaani mili thi yahin thi jo nazar aai thi mash'al thi ki aatish nubuvvat thi ki chingaari zamin par hi mili thi"

"khizaan tujh par ye kaisaa barg-o-baar aane lagaa hai mujhe ab mausamon par e'tibaar aane lagaa hai kahaan dopahr ki hiddat kahaan ThanDak shafaq ki siyah resham mein chaandi kaa ghubaar aane lagaa hai khuleinge vasl ke dar dusri duniyaaon mein bhi bil-aakhir hijr ke rukh par nikhaar aane lagaa hai mire asbaab mein mashkiza-o-khurjin rakhnaa safar ki shaam hai aur regzaar aane lagaa hai falak ko baar baar ahl-e-zamin yuun dekhte hain ki jaise ghaib se koi savaar aane lagaa hai"

"mataa-e-be-bahaa aansu zamin mein bo diyaa thaa palaT kar jab tiraa ghar main ne dekhaa ro diyaa thaa asaa dar dast huun us din se binaai nahin hai sitaara aankh mein aayaa thaa main ne kho diyaa thaa zamaane husn sarvat hech sab us ke muqaabil tahi-kesa ko us pahli nazar ne jo diyaa thaa paron ki arghavaani chhaanv phailaai thi sar par bahishti nahr kaa paani musaafir ko diyaa thaa bas ik qindil thi jalti hui apne lahu mein yahi nazraana denaa thaa haram mein so diyaa thaa"

"main vahm bechtaa huun vasvase banaataa huun sitaare dekhtaa huun zaaiche banaataa huun garaan hai itnaa to kyon vaqt ho mujhe darkaar maze se baiThaa huaa bulbule banaataa huun musaafiron kaa mire ghar hujum rahtaa hai main pyaas baanTtaa huun aable banaataa huun kharid laataa huun pahle tire visaal ke khvaab phir un se apne liye rat-jage banaataa huun yahi nahin ki zaminein miri achhuti hain main aasmaan bhi apne liye banaataa huun"

"barun-e-dar nikalte hi bahut ghabraa gayaa huun main jis duniyaa mein thaa kyuun us se vaapas aa gayaa huun koi sayyaara mere aur us ke darmiyaan hai main kyaa thaa aur dekho kis tarah gahnaa gayaa huun mujhe raas aa na paaeinge ye paani aur miTTi ki main ik aur miTTi se huun aur murjhaa gayaa huun main patthar chuum kar tahlil ho jaaataa havaa mein magar zinda huun aur haihaat vaapas aa gayaa huun kahaan main aur kahaan darbaar kaa jahl-o-takabbur magar ik ism ki tasbih jis se chhaa gayaa huun"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kyaa apne shahr mein koi aisaa makaan hai samjhun jise ki asl mein vo ik jahaan hai DhunDo haqiqat is mein na afsaana hi koi is kaa bayaan kuchh nahin us kaa bayaan hai apnaa shi'aar ab hai faqat amn-dushmani ye aur baat faakhta apnaa nishaan hai likhne ko ek harf na kahne ko ek lafz yuun to qalam hai haath mein munh mein zabaan hai vo lams jis ke baa'd zamaane guzar gae vo lams ab bhi taaza hai ab bhi javaan hai ho jaaegaa yaqin sabhon kaa hi kal jo aaj meraa yaqin aur sabhon kaa gumaan hai shatranj ki bisaat ki thi apni mez par shatranj ki bisaat ki saaraa jahaan hai"

"charaaghon se kuchh to churaayaa gayaa hai jo thi aag us ko bujhaayaa gayaa hai likhaa thaa jinhein sirf apne lahu se mire un khaton ko jalaayaa gayaa hai hazaaron daf'a us ne ki bevafaai mujhe bevafaa kyon bataayaa gayaa hai mujhe khud nikalnaa paDaa apne ghar se ye mat sochnaa ki bhagaayaa gayaa hai khabar ye mili hai ki mere hi ghar mein kisi ghair ko ab basaayaa gayaa hai mujhe hi sataa kar mujhe hi rulaa kar ye ilzaam mujh par lagaayaa gayaa hai tumhein kyaa bataaun mohabbat mein 'raavat' mujhe kis qadar aazmaayaa gayaa hai"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"