Ghazal

"raaz-e-darun-e-aastin kashmakash-e-bayaan mein thaa aag abhi nafas mein thi shoala abhi zabaan mein thaa vo jo kahin thaa vo bhi main aur jo nahin thaa vo bhi main aap hi thaa zamin par aap hi aasmaan mein thaa lams-e-sadaa-e-saaz ne zakhm nihaal kar diye ye to vahi hunar hai jo dast-e-tabib-e-jaan mein thaa khvaab-e-ziyaan hain umr kaa khvaab hain haasil-e-hayaat is kaa bhi thaa yaqin mujhe vo bhi mire gumaan mein thaa khanjar o dashna o sinaan ye to bahaane hain miyaan aap na sharmsaar hon zakhm sirisht-e-jaan mein thaa hadd-e-gumaan se ek shakhs duur kahin chalaa gayaa main bhi vahin chalaa gayaa main bhi guzishtagaan mein thaa"

"duniyaa se har rishta toDaa khud se ru-gardaani ki sirf tumhaaraa dhyaan rakhaa aur jiine mein aasaani ki majnun aur farhaad hue jab ishq mein sab barbaad hue tab jangal ne kuuch kiyaa sahraa ne naql-e-makaani ki us ki mohni surat jaise phulon kaa aameza hai aur us ki aavaaz hai goyaa re-gaa-maa-paa-dhaani ki bhuli-bisri yaad ne jab daryaaft kiyaa ahvaal miraa dil ne zakhm kalaam kiyaa aankhon ne ashk-bayaani ki ilm kaa dam bharnaa chhoDo bhi aur amal ko bhuul bhi jaao aaina-khaane mein ho saahib fikr karo hairaani ki"

"ashk bhejein mauj ubhaarein abr jaari kijiye mehrbaan sail-e-balaa ki aabyaari kijiye ai charaagh-e-taaq-e-jaanaan ai havaa-e-ku-e-dost apni kaifiyyat zaraa ham par bhi taari kijiye shaam-e-hijraan mein sitaaron ko na Thahraaein sharik aaina-khaane mein aa kar khud-shumaari kijiye ashk-baari sina-chaaki dil-kharaashi ho chuki liije saahib ishq kaa farmaan jaari kijiye honT kahte hain bahaa diije lahu ashaar mein zulf kahti hai miyaan tarkib bhaari kijiye dekhiye maah o sitaara ghumiye arz o samaa chaliye baahar baad-e-khud-sar ki savaari kijiye ishq kaa aglaa paDaav main huun main duniyaa-parast al-madad ai qais ai farhaad yaari kijiye yuun to malne se rahi ye saltanat so shahryaar paanv paD kar roiye minnat-gizaari kijiye"

"nae zamaanon ki chaap to sar pe aa khaDi thi miri samaa'at guzishta advaar mein paDi thi udhar diye kaa badan havaa se thaa paara paara idhar andhere ki aankh mein ik kiran gaDi thi falak pe thaa aatishin darakhton kaa ek jangal aur un darakhton ke biich taarik jhonpaDi thi samaai kis tarah meri aankhon ki putliyon mein vo ek hairat jo aaine se bahut baDi thi jise piroyaa thaa apne haathon se tere gham ne sadaa-e-girya mein hichkiyon ki ajab laDi thi hamaari palkon pe raqs karte hue sharaare aur aasmaan mein kahin sitaaron ki phuljaDi thi tulua subh-e-hazaar khurshid ki du'aa par bujhe charaaghon ki raakh daaman pe aa paDi thi sabhi ghamin the mire piyaale mein zahr paa kar main mutmain thaa ki meri takmil ki ghaDi thi savaal-e-rukh gulsitaan mein aayaa to phuul Thahraa labon ki hasrat sukhan mein pahunchi to pankhuDi thi ye log to un dinon bhi naa-kHush the 'shahryaaraa' ki jin dinon mere paas jaadu ki ik chhaDi thi"

"aaina ban ke apnaa tamaashaa dikhaaein ham yuun saamne rahein ki nazar bhi na aaein ham mumkin hai daur-e-jashn-e-charaaghaan ho jab yahaan vo tirgi baDhe ki sahife jalaaein ham darpesh hai guzishta ruton kaa safar hamein hairat na kar ki lauT ke vaapas na aaein ham taufiq-e-sair-e-baagh agar ho to ab ki shaam dil ki jagah shajar pe parinde banaaein ham khaamosh ho raho ki sar-e-shahr-e-aarzu uftaad vo paDi hai ki ab kyaa bataaein ham"

"yaadon ki tajsim pe mehnat hoti hai bekaari bharpur mashaqqat hoti hai aisaa khaali aur itnaa gunjaan aabaad aaine ko dekh ke hairat hoti hai divaaron kaa apnaa sahraa hotaa hai aur kamron ki apni vahshat hoti hai us ko yaad karo shiddat se yaad karo is se tanhaai mein barkat hoti hai bachpan jauban aur buDhaapaa aur phir maut sab chalte rahne ki aadat hoti hai jiinaa to bas lafz hai ik be-maani lafz maut se pahle maut ki fursat hoti hai aisi aazaadi ab aur kahaan hogi ishq mein sab karne ki ijaazat hoti hai aansu moti jugnu taara suraj chaand har qatre ki apni qismat hoti hai"

"vo mar gayaa sadaa-e-nauha-gar mein kitni der hai ki saaneha to ho chukaa khabar mein kitni der hai hamaare shahr ki rivaayaton mein ek ye bhi thaa duaa se qabl puchhnaa asar mein kitni der hai muqaabla hai raqs kaa bagulaa kab kaa aa chukaa magar pataa nahin abhi bhanvar mein kitni der hai khudaa-e-mahr aasmaan ujaal de ki yuun na ho diye ko puchhnaa paDe sahar mein kitni der hai hazaar kuufa o halab guzar rahe hain roz o shab main jis taraf chalaa huun us nagar mein kitni der hai khirad ki tez dhuup mein junun kaa saaebaan khilaa main biij bo chukaa so ab shajar mein kitni der hai abhi hamein guzaarni hai ek umr-e-mukhtasar magar hamaari umr-e-mukhtasar mein kitni der hai"

"khush nahin aae bayaabaan miri viraani ko ghar baDaa chaahiye is be-sar-o-saamaani ko Dhaal duun chashma-e-pur-harf ko aaine mein apni aavaaz mein rakh duun tiri hairaani ko jaada-e-nur ko Thokar pe sajaataa huaa main dekhtaa rahtaa huun rangon ki pur-afshaani ko sar-e-sahraa miri aankhon kaa talaatum jaagaa mauja-e-reg ne sarshaar kiyaa paani ko sajda-e-naqsh-e-kaf-e-paa-e-nigaaraan hi to hai jis ne taabinda rakhaa hai miri peshaani ko tujh se bhi kab hui tadbir miri vahshat ki tu bhi muTThi mein kahaan bheinch sakaa paani ko sard mausam ne ThiThurte hue suraj se kahaa chaadar-e-abr to hai Dhaanp le uryaani ko 'shahryaar' apne kharaabe pe hukumat hai miri koi mujh saa ho to samjhe miri sultaani ko"

"kun-fayakun kaa haasil yaani miTTi aag havaa aur paani pal mein baqaa kaa pal mein faani miTTi aag havaa aur paani nagri nagri phirti hain ye divaarein bhi saath hi mere karte hain meri nigraani miTTi aag havaa aur paani khaak-basar huun shola-ba-jaan huun aah-kunaan huun ashk-fishaan huun dekh tu apni kaaristaani miTTi aag havaa aur paani meraa kyaa hai mar jaaungaa chaaron or bikhar jaaungaa aap kahaan jaaeinge jaani miTTi aag havaa aur paani main kabhi shoala huun kabhi shabnam gaahe zakhm to gaahe marham karte hain mujh mein khinchaa-taani miTTi aag havaa aur paani main aaina dekh rahaa huun lekin ye kyaa dekh rahaa hai meraa aks pas-e-hairaani miTTi aag havaa aur paani ishq ki nisbat se hain zinda sahraa suraj baadal dariyaa ishq nahin to sab be-maani miTTi aag havaa aur paani"

"gumaan ke liye nahin yaqin ke liye nahin ajiib rizq-e-khvaab hai zamin ke liye nahin khayaal jo qadam-kushaa hai tere laa-shuur mein ghazaal hai magar sabuktagin ke liye nahin havaaein gosh-bar-sadaa hain kis ke baab mein khamosh nahin diye ki aaya-e-mubin ke liye nahin use chhupaao kushtagaan ke dil mein raaz ki tarah ye tegh-e-aabdaar aastin ke liye nahin main ek buDhe falsafi ke khvaab kaa amiin huun mire labon ki saakht angbin ke liye nahin kamand ko kamaan ko abhi se tah na kijiye ki ye shikaar ke liye hain ziin ke liye nahin jo tiir uD chalaa hai vo mire liye hai 'shahryaar' yasaar ke liye nahin yamin ke liye nahin"

"main ne kahaa ki shahr mein ek charaagh bhi nahin us ne kahaa ki zakhm bhi kyaa nahin daagh bhi nahin main ne kahaa ki aakhirash mujh ko khudaa na mil sakaa us ne kahaa ki mere paas apnaa suraagh bhi nahin main ne kahaa ki aashiqi us ne kahaa ki haae haae ab vo umang bhi kahaan ab vo faraagh bhi nahin main ne kahaa ki gul-farosh saare gulaab le gae us ne kahaa ki kal talak dekhiye baagh bhi nahin main ne kahaa ki 'shahryaar' aap se kuchh malul hain us ne kahaa ki Thiik hai mujh ko dimaagh bhi nahin"

"inikaas-e-tishnagi sahraa bhi hai dariyaa bhi hai tar-ba-tar ye raushni sahraa bhi hai dariyaa bhi hai aag par meraa tasarruf aab par meri giraft meri muTThi mein abhi sahraa bhi hai dariyaa bhi hai jhiil mein Thahraa huaa hai us kaa aks-e-aatishin aaine mein is ghaDi sahraa bhi hai dariyaa bhi hai jal uThein yaadon ki qindilein sadaaein Duub jaaein dar-haqiqat khaamushi sahraa bhi hai dariyaa bhi hai zinda lauT aayaa huun jangal se to kyaa jaa-e-malaal mere raste mein abhi sahraa bhi hai dariyaa bhi hai koi kheme raakh kar de koi baazu chhin le ek si ghaarat-gari sahraa bhi hai dariyaa bhi hai ret par rakhkhun tujhe yaa bahte paani mein bahaaun dekh ai tishna-labi sahraa bhi hai dariyaa bhi hai tu bagulaa hai ki hai girdaab ai raqs-e-davaam faisla kar le abhi sahraa bhi hai dariyaa bhi hai dasht bhi us ki rivaayat mein hai mauj-e-aab bhi meri aankhon ki nami sahraa bhi hai dariyaa bhi hai tu sambhaalegaa bhalaa kaise ye saari saltanat 'shahryaar'-shaaeri sahraa bhi hai dariyaa bhi hai"

"phail rahaa hai ye jo khaali hone kaa Dar mujh mein aakhir-kaar simaT aaegaa meraa baahar mujh mein ro dungaa to ashk nahin aankhon se ret bahegi khuun kahaan kuchh sukhe dariyaa hain sahraa bhar mujh mein pahron jaltaa rahtaa huun main jaise koi suraj ek kiran jab ruk jaati hai tujh se chhan kar mujh mein tu maujud hai main maadum huun is kaa matlab ye hai tujh mein jo naapaid hai pyaare vo hai mayassar mujh mein qatra Thiik hai dariyaa hone mein nuqsaan bahut hai dekh to kaise Duub rahaa hai meraa lashkar mujh mein"

"ghubaar-e-vaqt ke gar aar-paar dekhiyegaa to ek pal mein miraa shahsavaar dekhiyegaa main ek baar use pherungaa apni gardan par aur aap bas mire khanjar ki dhaar dekhiyegaa kisi kaa naqsh nahin baandhiyegaa aankhon mein jise bhi dekhiye aaina-vaar dekhiyegaa kabhi na lauT ke aaeinge aap jaantaa huun par aaiye to miraa intizaar dekhiyegaa na dastakein na sadaa kaun dar pe aayaa hai faqir-e-shahr hai yaa shahryaar dekhiyegaa"