Ghazal

"raunaqein daar ki baDhaate hue main miraa 'ahd ko nibhaate hue raushni zakhm ki kuchh aur baDhi shahr ko raasta dikhaate hue mere andar kaa shor baDhtaa gayaa chup ki divaar ko uThaate hue khud-kalaami ki paD gai 'aadat vasvason ki chitaa jalaate hue hijr ki talkhiyaan ki baDhti gaiin faaslon kaa galaa dabaate hue kaise kaise jatan kiye main ne tere pahlu mein ghar banaate hue jaane kis karb se main guzrungaa mere 'amjad' tujhe bhulaate hue"

"raasta tabdil karne se rahaa dil miri taa'mil karne se rahaa dekhne ki un ko 'aadat hai tujhe apni aankhein seal karne se rahaa rabt ke fuqdaan par main kam-numaa ghaib ki tamsil karne se rahaa raas aai hon jise aazaadiyaan jabr ki takmil karne se rahaa tum ne jhuTlaanaa hai jhuTlaa do magar sach ko main tahlil karne se rahaa phunk dam taa'viz de murshid ki main daaere ko kiil karne se rahaa mat bataa tu sabr ke maa'ni mujhe main anaa ki Deal karne se rahaa paDh miraa chehra ki tujh par bhi khule aankh to main jhiil karne se rahaa"

"koi ik shaam ham faqiron mein kar le aaraam ham faqiron mein jazb-o-masti mein tu bhi Daal dhamaal aur kamaa naam ham faqiron mein jaa kahin khol aur dukaan apni teraa kyaa kaam ham faqiron mein ruuh tak to pahunch nahin paataa 'ishq naakaam ham faqiron mein mai se mashhur hai kahin 'amjad' aankh kaa jaam ham faqiron mein"

"tire haathon ki coffē aur baarish ye duniyaa hai izaafi aur baarish ganvaa baiThe jo raah-e-'ishq mein ham nahin us ki talaafi aur baarish vo jhagDaa nit-nai baaton pe tum se mu'aafi aur talaafi aur baarish ghazab tirveniyaan 'gulzaar' teri ghazal fartaash 'haafi' aur baarish karun phir kyaa zamaane kaa main 'amjad' mujhe bas tu hai kaafi aur baarish"

"kuchh tire khat sanbhaal rakkhe hain kitne gham hain jo paal rakkhe hain yunhi chehre pe jhurriyaan to nahin saath mein maah-o-saal rakkhe hain ye mire she'r qimti hain bahut in mein tere khayaal rakkhe hain 'ishq ke saath dard ke naate jitne rakkhe kamaal rakkhe hain haadse vaqt mein hain jitne bhi ham ne vo kal pe Taal rakkhe hain kitnaa mushkil thaa zindagi kaa safar saans ham ne bahaal rakkhe hain in fazaaon mein khauf hai 'amjad' kis shikaari ne jaal rakkhe hain"

"kaun kahtaa hai havaaon mein rahe hain 'amjad' ham to ik shakhs ke paanv mein rahe hain amjad shaam hote hi hamein thaam liyaa sadmon ne ham tire baa'd sazaaon mein rahe hain amjad jis pe likkhaa thaa tiraa naam mohabbat se kabhi ham usi peD ki chhaanv mein rahe hain amjad varna ye shahr to khaa jaataa balaaon ki tarah vo to ham maan ki du'aaon mein rahe hain amjad ham ne ghurbat mein bhi phailaae nahin haath kabhi ham sadaa apni anaaon mein rahe hain 'amjad'"

"'ishq se jab mukaalima hogaa rab hi jaane hamaaraa kyaa hogaa is liye hai pasand tanhaai hungaa main aur miraa khudaa hogaa jis taraf dekhtaa hai vo aksar us taraf koi to gayaa hogaa jis takalluf se mil rahaa hai mujhe zikr us ne miraa sunaa hogaa manzilein baa'd mein huiin ijaad pahle jab raasta banaa hogaa us ki aankhon mein khuun utraa hai haadisa koi to huaa hogaa pahle do dil judaa hue honge dariyaa aise nahin banaa hogaa saans lene mein hogi dushvaari shahr dhuein se jab bharaa hogaa itnaa khaamosh to nahin thaa kabhi us ko 'amjad' ne kuchh kahaa hogaa"

"'ishq ki vaardaat baandhe hain ham hain jo mushkilaat baandhe hain hijr jhelaa baDi ravaani se dard rakkhe hain ghaat baandhe hain khauf jaataa rahaa hai marne kaa main ne vahshat ke haath baandhe hain din huaa to bikhar gae saare khvaab jitne bhi raat baandhe hain munh mein mere bhi hai zabaan magar 'ishq ne mere haath baandhe hain jaane kab aur kahaan bichhaD jaaein ghar se raste to saath baandhe hain"

"pal mein hi zaat par utar aae log auqaat par utar aae be-sabab us ne chhu liyaa shaayad ham hi khadshaat par utar aae baat kyaa kar li hans ke phir un se vo savaalaat par utar aae koi jab boltaa hai neze par 'ishq aayaat par utar aae vo agar khvaab mein bhi aa jaae dil mulaaqaat par utar aae paanv ghurbat ne kyaa rakhaa ghar mein vo musaafaat par utar aae yaad aate ho jab kabhi 'amjad' aankh barsaat par utar aae"