The lyric art form of Urdu poetry — every sher a universe of longing, love, and philosophy
"sun kar kitni aankhein niklin ik patthar mein saansein niklin aankhon se ik dariyaa niklaa dariyaa se kuchh laashein niklin gham ke bhi kuchh phuul khile hain zakhmon se bhi shaakhein niklin aage aage naakhun aae pichhe pichhe baanhein niklin jis ko khoyaa thaa aankhon ne us ko lene yaadein niklin kaanTon ne kyuun jashn manaayaa phulon se kyuun aahein niklin un galiyon mein rah kar dekhaa din se raushan raatein niklin"
Aslam Rashid"us ko kar ke salaam rang khule dhire dhire tamaam rang khule khushk honTon pe rakh ke aae hansi kar ke ye intizaam rang khule us ki tasvir ki balaaein liin kar ke ye ehtimaam rang khule din guzaaraa thaa khushk aankhon se dar pe aai jo shaam rang khule chhin li pahle meri binaai puuraa kar intiqaam rang khule chup the vo zikr ghair kaa sun kar aap kaa le ke naam rang khule"
Aslam Rashid"ik qadam uTh gayaa ravaani mein dard phir aa gayaa kahaani mein koi to chaand ko sikhaataa hai Dubnaa roz roz paani mein sirf tu ne nigaah pheri hai moD saa aa gayaa kahaani mein us ki aankhon mein Duub kar dekhaa tishnagi baDh gai hai paani mein kuchh diye raat-bhar rahe raushan ek jugnu ki mezbaani mein main akelaa khaDaa thaa sach ke saath mujh ko marnaa hi thaa kahaani mein"
Aslam Rashid"teraa suraj aaegaa chhaanv uThaa le jaaegaa tujh se koi aaina kaise aankh milaaegaa mere ghar kaa khaali-pan tere naaz uThaaegaa palkon pe Thahraa aansu meri yaad dilaaegaa meri miTTi saath mein rakh phuul nahin murjhaaegaa hijr kisi bachche ki tarah pichhe pichhe aaegaa jaate jaate bolaa vo zakhm abhi bhar jaaegaa teri yaadon ke pan se zakhm kurede jaaegaa"
Aslam Rashid"jab us ki tasvir banaai jaati hai saaya saaya dhuup milaai jaati hai pahle us ki aankhein sochi jaati hain phir aankhon mein raat bitaai jaati hain jis dariyaa mein aks tumhaaraa dekhaa thaa us dariyaa mein naav chalaai jaati hai jis dar se ham vaabasta hain us dar se paani ki bhi pyaas bujhaai jaati hai"
Aslam Rashid"suukh jaataa hai har shajar mujh mein kuchh duaaein hain be-asar mujh mein jaantaa hi nahin huun main us ko vo jo aane lagaa nazar mujh mein dhuup mein dekh kar parindon ko ugne lagtaa hai ik shajar mujh mein paanv ab puchhne lage mujh se main safar mein huun yaa safar mujh mein aaina dekh kar lagaa mujh ko main nazar mein huun yaa nazar mujh mein dard mein Duub hi gai aavaaz hijr ne ab kiyaa asar mujh mein"
Aslam Rashid"mujhe dariyaa banaanaa chaahti hai ye duniyaa Duub jaanaa chaahti hai hamaari niind ki hasrat to dekho tumhein takiya banaanaa chaahti hai tumhaari yaad sahraa ke safar mein hamaare saath aanaa chaahti hai sitaaro kaun utraa hai zamin par nazar kyuun sar jhukaanaa chaahti hai samundar se koi itnaa to puchhe nadi kyuun suukh jaanaa chaahti hai hamaari jaan kaa sadqa utaaro hamaari jaan jaanaa chaahti hai"
Aslam Rashid"aankh se taare TuuT rahe hain khvaab hamaare TuuT rahe hain saabit hain aaine lekin aks hamaare TuuT rahe hain saare yaar bichhaD jaaeinge roz sitaare TuuT rahe hain jugnu ban kar main ne dekhaa kuchh andhiyaare TuuT rahe hain DhunD rahaa hai dariyaa kis ko roz kinaare TuuT rahe hain"
Aslam Rashid"musalsal dhuup se paalaa paDaa hai hamaaraa jism tab kaalaa paDaa hai hamaare jism pe kapDe nae hain hamaari ruuh pe jaalaa paDaa hai vo chaabi le gayaa hai saath jis ki hamaare dil pe vo taalaa paDaa hai"
Aslam Rashid
