Ghazal

"ye imtihaan khuub hai husn-e-shabaab kaa lenaa thaa dil bhi mujh se hi khaana-kharaab kaa aankhon se dekhnaa hai tariqa hijaab kaa rahtaa hai dil mein jalva yahaan aaftaab kaa do khalq ko na rabt-e-adu se fareb-e-mehr uThne do rozgaar se Dar inqalaab kaa mai bhi thi aag aatish-e-hasrat hui nasib ai kaash daagh siina mein hotaa sharaab kaa uThnaa thaa us ke rukh se qayaamat naqaab kaa aalam har ek zarra mein hai aaftaab kaa qata-e-vafaa se rafa-e-shikaayat muhaal hai haan silsila hai naala-e-dil pech-o-taab kaa ye hashr kyaa huaa abhi main ne kiyaa nahin kuchh bhi bayaan apne gham-e-be-hisaab kaa martaa huun rashk se ki muqaddar huaa thaa kyon mahshar mein mujh se yaar se uThnaa hijaab kaa likkhaa hai shauq-e-vasl to main ne unhein magar dhaDkaa hai naama-bar kaa taraddud javaab kaa saaqi ke saath jaagein to soein buton ke saath lazzat vo jaagne ki hai ye lutf khvaab kaa rone se apni jaa chuki naakaami-e-azal namnaak ho kar aaina tishna hai aab kaa maghrur-e-husn hain unhein kyaa yaad raah mein maaraa huaa hai kaun nigaah-e-itaab kaa dil ko judaai-e-sanam us par shakeb haif khugar na ho gayaa ho ye kaafir azaab kaa kahne se qabl chehre kaa rang uD gayaa yahaan sunne se pahle samjhe vo haal iztiraab kaa nairangi-e-tilism-e-tamanna ko kyaa kahun aalam dikhaa rahaa hai zulekhaa ke khvaab kaa maadum ho 'zaki' hai agar shauq-e-vasl asl baad-e-fanaa hai bahr mein milnaa habaab kaa"

"dil kyaa harif ho tiri ranjish ke biim kaa tufaan hai charaagh ko jhokaa nasim kaa nazzaargi ko nashsha hai zauq-e-kalim kaa jalva magar buton mein hai nur-e-qadim kaa vo saadgi se pursish-e-ahvaal ab kahaan khulnaa sitam huaa mire haal-e-saqim kaa duniyaa mein soz-e-ishq ko paayaa sazaa-e-ishq dil ho gayaa kanaar mein shoala jahim kaa baiThaa uThaa rahaa hai maze sair-e-charkh ke paaya buland hai tire dar ke muqim kaa mansur ko milaa thaa anal-haq se auj-e-daar bartar huaa kalaam se rutba kalim kaa yuun be-khabar haqiqat-e-aalam se rah gayaa nashsha thaa jaam-e-jam mein dimaagh-e-hakim kaa ratb-ul-lisaan hai mauj to gauhar hai tar vahaan dariyaa muhit hai tire faiz-e-amim kaa us hur-vash se chashm-e-tasavvur hai jalva-zaar nazzaara hai khayaal mein baagh-e-naim kaa yusuf se nur-e-dida-e-yaaqub thaa ravaan thaa pairahan dikhaane ko parda shamim kaa gir kar tumhaare kaan se be-aab hai guhar utraa hai dard-e-hijr se munh us yatim kaa ummid hai ki morid-e-in'aam-e-dost huun juuyaa huun main vafaa ki rah-e-mustaqim kaa be-yaar bazm-e-hasti-e-aashiq hai be-farogh dil shoala-e-fasurda hai shama-e-harim kaa tamkin-e-vaza-o-tarz-e-tabassum mein dekhiye andaaz us ki shokhi-e-taba-e-salim kaa imaan hai tire rukh-e-raushan ko dekhnaa pesh-e-nazar hai moajiza maah-e-do-nim kaa har dam hai qabz-o-bast tire lutf-o-qahr se dil aaina hai surat-e-umid-o-bim kaa aadaab ki jagah hai 'zaki' bazm-e-ittihaad naazuk hai misl-e-shisha-e-mai dil nadim kaa"

"ham ko dildaar aziiz apnaa dil-e-zaar aziiz dein na dein jins-e-aziz aur kharidaar aziiz khvaar rah kar hue barson mein vafaadaar aziiz tul-e-aazaar se hote hain ye bimaar aziiz is qadar kyon hai khudaa ishq kaa aazaar aziiz mubtalaa is mein hamesha rahe do-chaar aziiz kabhi zindaan se nikalne nahin detaa baahar paasbaan ko hain magar is ke giraftaar aziiz ye sabab raunaq-e-dil ke vo mataaa-e-baazaar yusuf-e-dil hue yaa yusuf-e-baazaar aziiz allah allaah buton kaa vo tabakhtur vo ghurur kis ke hain un ke sivaa nakhvat-o-pindaar aziiz kaafir-e-ishq-e-butaan huun yahi mazhab hai miraa surat-e-rishta-e-jaan hai mujhe zunnaar aziiz mujhe ai naala tiri be-asari hai manzur rah mire dil mein ki hai khaatir-e-dildaar aziiz ye mujhe kucha-e-jaanaan se uThaa laate hain dost jo karte hain karnaa nahin zinhaar aziiz qais divaana nahin thaa to gayaa kyon su-e-dasht hote hain ku-e-sanam ke dar-o-divaar aziiz dil-e-jaan-baaz ko bhi abru-e-qaatil hai pasand jis tarah mard sipaahi ko ho talvaar aziiz fitna-e-ishq mein kyaa shaan-e-sar-afraazi hai ki chaDhaate hain azizon ko sar-e-daar aziiz daulat-e-husn ghulaamon ko banaati hai shaah tohmat-e-ishq se hote hain subuksaar aziiz teri shaamat hai 'zaki' baiThe-baiThaae tu ne kyon hasinon ko diyaa dil ki huaa khvaar aziiz"

"dil hi mein naala-e-shab-gir ulaT jaataa hai naa-muvaafiq hai havaa tiir ulaT jaataa hai naale us ki nigah-e-qahr se ruk jaate hain tiir se murgh-e-havaa-gir ulaT jaataa hai jalva-gah mein tiri kyaa Thahrun ki saaya naa-chaar jab huaa rukash-e-tanvir ulaT jaataa hai Thahraa izhaar-e-vafaa shikva-e-vasl-e-aghyaar rashk se haasil-e-taqrir ulaT jaataa hai munh kharaabaat mein rindon se chhupaae kyaa shaikh nashshe mein daaman-e-tazvir ulaT jaataa hai zauq-e-tahsin 'zaki' kis qadar allaah-allaah dam-e-bismil dam-e-takbir ulaT jaataa hai"

"qatra-e-ashk se taskin-e-jigar ki ummid qulzum-e-chashm se hai aab-e-guhar ki ummid gham mein hoti hai ajab-khez bashar ki ummid dard-e-jaan-kaah-e-firaaq aur sahar ki ummid qatl ko us ne pas-az-umr nikaali talvaar baad muddat ke bar aai mire sar ki ummid nazar aataa hai bayaabaan se adam ko jaanaa khaak ho dard-e-junun mein mujhe ghar ki ummid us ne dekhaa na miraa haal-e-zabun taa-dam-e-marg jaan ke saath gai ek nazar ki ummid vaada-e-vasl mein thaa kis qadar andaaz-e-fareb na thi ummid-e-vafaa us se magar ki ummid zabt-e-gham tark-e-havas paas-e-vafaa kartaa huun aah ke saath rahi dil mein asar ki ummid tere qadmon mein hi ghaltaan na huaa zinat-e-gosh khaak mein mil gai afsos guhar ki ummid kaavish-e-tir kahaan burrish-e-shamshir kahaan dil ki hasrat hai abas aur jigar ki ummid ponchhte ponchhte aansu mire vo sharmaae kyon kahaa haae ye thi dida-e-tar ki ummid aarzu hai ki dil-e-saaf mein ho jalva-e-yaar raushan aaine se hai aaina-gar ki ummid shama-saan subh-e-shab-e-vaada huaa jal ke tamaam ho gai khaak miri chaar-pahar ki ummid dida-e-shauq bane mahv-e-tamaashaa Thahre teraa jalva hai magar shams-o-qamar ki ummid abhi vo haal hai jo sadma-e-shab se hotaa shaam-e-hijraan nazar aati hai sahar ki ummid haath se us ke hue qatl na gham hi se halaak puuri hoti hai idhar ki na udhar ki ummid zoaf achchhaa hai rafiq apnaa tariq-e-gham mein har qadam kyon na ho anjaam-e-safar ki ummid tum ko saudaa hai 'zaki' aah mein taasir kahaan shajar-e-bed se rakhte ho samar ki ummid"

"vo sunte hi nahin to hui daastaan abas shikve abas hamaare hamaaraa bayaan abas lete hain bekason ke dil-o-din-o-jaan abas turkaan-e-shokh luTte hain kaarvaan abas duniyaa mein jab khudaa hi buton ko banaa chukaa kartaa hai aur fikr-e-sitam aasmaan abas tasvir ki tarah hain tiri bazm mein khamosh goyaa hui hai khalq hamaari zabaan abas dil mubtalaa-e-dard-o-alam thaa gayaa gayaa li jaan bhi buton ne huaa ye ziyaan abas yuun hi sitam-kashon se taghaaful agar rahaa be-sud hai umid-e-vafaa imtihaan abas honi hai ek roz khizaan is bahaar ki gulshan mein kyon banaae koi aashiyaan abas us ke sivaa hai hech mujhe jumla kaaenaat vo hi na ho nazar mein to kaun-o-makaan abas baaqi hai dil ke jaane kaa siine mein ek daagh hotaa hai baad zakhm ke jaise nishaan abas sote hain vo kanaar-e-adu mein tamaam raat misl-e-azaan-e-subh yahaan hai fughaan abas us ki vo guftugu vo tabassum kahaan nasib bulbul ki hai zabaan to gul kaa dahaan abas vo baad-e-marg meri ayaadat ko aae hain naa-mehrbaan hue bhi agar mehrbaan abas aazaar-e-taaza ai sitam-ijaad mujh ko de khu ho ke ho gayaa hai gham-e-jaavedaan abas anjaam-e-shauq-e-vasl-e-butaan jaantaa to hai rahtaa hai be-qaraar miraa raaz-daan abas Thokar lagaaein ye bhi giraan naazuki se hai rakhtaa huun un ki rah mein sar-e-naa-tavaan abas"

"dil hi thaa bas mein na vo rashk-e-qamar aaj ki raat kuchh ajab Dhang se ki ham ne sahar aaj ki raat vaada-e-vasl se bhi kal to tasalli dil ko aaj inkaar hai kyun-kar ho basar aaj ki raat tere bimaar ko har roz taab thaa lekin us ke munh par hai ayaan rang-e-digar aaj ki raat raahat-e-khvaab nahin hai jo ham-aaghoshi mein siine par shauq se rakh lijiye sar aaj ki raat rouun kyaa chashm ko ham-saae mujhe rote hain sail-e-girya ne na chhoDaa koi ghar aaj ki raat naqd-e-dil nazr karun maaya-e-jaan bhi de duun un ke aane ki jo de koi khabar aaj ki raat un ke aane mein na ho jaae kahin ye bhi uzr tham ke ro ek zaraa dida-e-tar aaj ki raat dekh luun subh ko kyaa hoti hai dil ko raahat mujh ko jiine de tu ai soz-e-jigar aaj ki raat ham na kahte the 'zaki' ishq na kiijo naadaan hai vahi hijr-e-sanam pesh-e-nazar aaj ki raat"

"kis jins kaa huaa huun kharidaar dekhnaa saude ki mere garmi-e-baazaar dekhnaa kaisi aqubatein hain dil-e-zaar dekhnaa marnaa bhi aur us ko azaa-daar dekhnaa fasl-e-khizaan mein dil jo rihaa ho gayaa to kyaa aane do phir bahaar-e-giraftaar dekhnaa paamaal ek khalq hui har qadam ke saath ai dil buton ki shokhi-e-raftaar dekhnaa maane adab hai varna abhi khinch luun naqaab mushkil nahin hai kuchh tujhe dildaar dekhnaa kaafi hai bazm-e-ghair mein mujh par nigaah-e-lutf haan nazaa mein hai pursish-e-bimaar dekhnaa hasrat-fazaa-e-koh-kan-e-be-navaa ki maut jaa-e-kafan hai daaman-e-kohsaar dekhnaa dil mein hazaar daagh hain zauq-e-kalim ke nazzaargi ki hasrat-e-didaar dekhnaa kis ne hayaa se nichi nazar ki ki ho gayaa aasaan na dekhnaa mujhe dushvaar dekhnaa dekhaa ye khvaab mein to ye hai aalam-e-khayaal be-khvaab us ko dida-e-bedaar dekhnaa aaina-vaar dida-e-dil teri samt hai is hairati ko apne zaraa yaar dekhnaa vo dekhte hain bazm mein ye dekhtaa hai kyon baare huaa mujhe bhi sazaa-vaar dekhnaa allaah re 'zaki' ki kiyaa tark-e-din-o-dil chhoDaa magar buton ko na zinhaar dekhnaa"

"ishq-e-majnun raast hai afsaana sach baat kahtaa hai tiraa divaana sach mere ghar kyaa aae tum aai muraad ho gayaa ishrat-kada gham-khaana sach daaman-e-saaqi kahaan dast-e-havas be-khudi hai shorish-e-rindaana sach miT gayaa ghar ghar ki hasrat rah gai qaabil-e-nazzaara hai viraana sach soz-e-gham mein hai gudaaz-e-sham' raast aatish-e-dil se jalaa parvaana sach be-tire jalve ke dil hai be-farogh tu hi niklaa raunaq-e-kaashaana sach be-gumaan lafz-e-ghalat hai kaaenaat hamdami hai maani-e-begaana sach naz' se phir zindagaani ho gai jaan-fazaa thaa jalva-e-jaanaana sach aaj phir hai kyaa salaa-e-aam-e-mai subh se vaa hai dar-e-mai-khaana sach is se uD jaati hai niind aati hui mere dard-e-dil kaa hai afsaana sach ho nahin saktaa taattul fikr kaa mahv-e-yaad-e-yaar hai divaana sach vo sitamgar dost niklaa ghair kaa kyon 'azizo meraa kahnaa thaa na sach qatra-e-khun se hai kyon dil ki umiid nakhl ho jaaegaa kyaa ye daana sach tere bande hain bahut naazuk dimaagh baar-e-sar hai afsar-e-shaahaana sach husn-e-tazin yuun nasib-e-aaina hasrat-e-nazzaara mein hai shaana sach vo samajhte hain fughaan-e-zauq-e-mai be-asar hai naala-e-mastaana sach kuchh yahaan hai saaz-e-jamiyyat 'zaki' kahiyo ai daanish-var-e-farzaana sach"

"ishq kaa vahm hai zamaane par kyaa bigaDte hain vo fasaane par madad-e-shauq se pahunchtaa huun tiir se pahle main nishaane par tum to aise bigaD gae ki panaah ghair ko bazm mein banaane par aap aankhein mujhe dikhaate hain ek zakhm-e-jigar dikhaane par un ke jaane se ji hi chhuT gayaa naaz thaa ham ko dil lagaane par hosh aataa hai jaan jaati hai in hasinon ke aane-jaane par yuun na Thukraa ham ab to baiTh rahe rakh ke sar tere aastaane par meri qismat mein thaa ki ashk piyun muhr hoti hai daane daane par ai 'zaki' kis balaa kaa hai andaaz aaj zulf us ki vaa hai shaane par"

"asiri mein tabaahi raunaq-e-kaashaana ho jaae qafas hi naalon se jal kar charaagh-e-khaana ho jaae taghaaful saazgaar-e-shauq-e-ahl-e-dard kyaa hogaa adaa se do fareb aisaa ki dil divaana ho jaae na kahnaa ghair se qaasid ki main matlab nahin samjhaa payaam-e-yaar hai hai maani-e-begaana ho jaae nahin kyuun hazrat-e-musaa ki betaabi ke ham-pairav ki raaz-e-dil zabaan par aae aur afsaana ho jaae kahaan tak zabt-e-be-taabi dil-e-miskin mujhe Dar hai tiri khu-e-tahammul se vo be-parvaa na ho jaae fughaan karte hue jaa pahuncho us ki bazm-e-ishrat mein kabhi to ai 'zaki' ye shokhi-e-rindaana ho jaae"

"ban ke kis shaan se baiThaa sar-e-mimbar vaaiz nakhvat-o-ujb hayulaa hai to paikar vaaiz tujh ko khidmat mili rindon ko buraa kahne ki teri taqdir mein thaa ye hi muqaddar vaaiz zaat se teri hain asbaab halaak-aamaada sukhan-e-taan hai goyaa dam-e-khanjar vaaiz khul gayaa pech ki kyon baandhi hai dastaar-e-giraan kuchh nahin farq ki hai sakht subuk-sar vaaiz ye tumhaaraa qadd-e-kham-gashta hai shamshir-e-sitam sakht-tar ho gae jitne hue laaghar vaaiz jo tahi-dast nikaale gae mai-khaanon se masjidon mein vahi ban baiThe hain aksar vaaiz duur kar rish-e-hinaai ko na ho taa ye gumaan ki lagaa munh se hai jaam-e-mai-e-ahmar vaaiz ye tumhein ho ki paDe daghdagha-e-hashr mein ho faarigh-ul-baal hai ek ek qalandar vaaiz pand-e-be-sud se behtar thaa ki yaa-hu kahte kaash insaan ke evaz bante kabutar vaaiz lo khudaa khair kare aae yahaan bhi hazrat dekhnaa yaaro khaDe hain sar-e-mahshar vaaiz mai-kashon ke liye vaa hai abhi baab-e-tauba kyon hue jaate ho maayus baraadar vaaiz nazar aaya ab use dahr kaa faani honaa dekh rone lagaa bar-qabr-e-sikandar vaaiz aaftaab-e-mai-e-pur-nur kaa to dekh farogh ban gayaa khatt-e-shu'aa'i khat-e-saaghar vaaiz roz-o-shab qasd mein masjid ke hai aavaara-khiraam vahshat-e-zohd mein kyaa bhuul gayaa ghar vaaiz sang-e-kaaba ko to maanoge buton ko na sahi mohtaram aap ki millat mein hai patthar vaaiz khu se baaz aaein kahaan karte hain talqin kalima nazaa ke vaqt khaDe hain sar-e-bistar vaaiz sura-e-shams ki tafsir kaa kuchh lutf mile dekh le kaash ke us kaa rukh-e-anvar vaaiz qahr hai shakl-e-'abus aur jabin-e-pur-chin ajab andaaz kaa insaan hai sitamgar vaaiz lillahil-hamd ki har vaqt japaa karte ho ho gayaa naam-e-butaan tum ko bhi azbar vaaiz qadr maikhaane mein pairaahan-e-sad-chaak ki hai moatakif kaabe mein ho oDh ke chaadar vaaiz chup raho rahne bhi do sar-ba-garebaan dam-e-chand chhoD ke jaaein kahaan daaman-e-mahshar vaaiz jin ko ho khaatir-e-rindaan-e-gunahgaar kaa paas ai 'zaki' aise zamaane mein hain kamtar vaaiz"

"aate hain lakht-e-jigar kaT kaT ke mushkil se alag ju-e-khun aankhon ko hoti hai ravaan dil se alag rakhiye kyon tasvir-e-yaar aaina-e-dil se alag naqsh-e-hairat kab huaa hai maah-e-kaamil se alag jaan-e-pur-hasrat hui yuun jism-e-bismil se alag haath daaman se judaa sar paa-e-qaatil se alag josh-e-vahshat mein ba-rang-e-bu-e-gul aazaad hain us ke divaane rahe qaid-e-salaasil se alag main sitam-kash huun jahaan mein vo mataaa-e-naa-qubul barq bhi qismat se girti hai to haasil se alag dekhnaa kaafir buton ki shokhiyaan bahr-e-khudaa but-kade mein chashm ke hain kaaba-e-dil se alag siina mujmir gham sharar dil musht-e-khas dam baad-e-tund naala vo shoala ki ho ajzaa-e-shaamil se alag jama the ashk aankh mein mizhgaan se phaile har taraf mardum-e-kashti-nashin hote hain saahil se alag laazim-e-ru-e-munavvar hai tiraa khaal-e-siyaah daagh hotaa hi nahin hai maah-e-kaamil se alag allah allah imtiyaaz-e-ijz-o-naaz-e-ishq-o-husn saarbaan kahtaa hai majnun ko ki mahmil se alag kisht se khirman huaa khirman kaa ye anjaam hai daagh-e-barbaadi uThaayaa ranj-e-haasil se alag ittihaad-e-zaat hai maani magar idghaam-e-ishq mil gae do dil to phir hote hain mushkil se alag hijr-e-jaanaan mein dimaagh-e-naala-e-mauzun kahaan aashiyaan apnaa banaaeinge anaadil se alag be-khudi dar-parda hai hangaama-saaz-e-anjuman gosha-e-khaatir mein hain vo ahl-e-mahfil se alag maut hai goyaa qadam rakhnaa hai raah-e-ishq mein ham-safar hone lage pahli hi manzil se alag khvaab mein bhi ham ko hai zauq-e-tamaashaa-e-jamaal dida-e-bedaar dil hai chashm-e-ghaafil se alag haif dard-e-sakht-jaani vaae uzr-e-naazuki ho nahin saktaa miraa sar dast-e-qaatil se alag ham ne dekhaa rind-o-mast-e-be-taalluq hai 'zaki' kufr-o-din se be-khabar haq aur baatil se alag"

"hairat mein bhi baaqi hai mujhe hosh-e-mohabbat aankhein dam-e-didaar hain mai-nosh-e-mohabbat phir jaati hain mahfil mein agar aur ko dekhun us shokh ki aankhein hain khataa-posh-e-mohabbat iqraar kiyaa thaa ki taghaaful na kareinge kuchh yaad hai o vaada-faraamosh-e-mohabbat aashiq ko ye raahat kabhi pahle na mili thi marqad ko bajaa kahte hain aaghosh-e-mohabbat hansne hi se tum gul chaman-e-husn ke Thahre main chup huun to huun bulbul-e-khaamosh-e-mohabbat jo baat na thi kahne ki mansur ne kah di yuun khaana-bar-andaaz huaa josh-e-mohabbat sunne ko tire tarse hai paighaam zabaani meraa dil-e-sad-rakhna banaa gosh-e-mohabbat aaina-e-hairat mein hai masruf-e-tamaashaa mahrum nahin bole se madhosh-e-mohabbat nazzaare kaa hai lutf vo aae sar-e-baalin hai talkhi-e-murdan samar-e-nosh-e-mohabbat ye sar se chalaae to chalun taa-dam-e-aakhir munqaad-e-mohabbat huun razaa-kosh-e-mohabbat baDhtaa hi gayaa us ke ta'alluq ke baraabar hai rashk-e-adu ham-sar-o-ham-dosh-e-mohabbat jo chaaho 'zaki' ko kaho alqaab bahut hain divaana-o-sar-gashta-o-behosh-e-mohabbat"