vo qayaamat thi ki reza reza ho ke uD gayaa — Abdullah Kamal

aao aaj ham donon apnaa apnaa ghar chun lein
tum navaah-e-dil le lo khitta-e-badan meraa

— Abdullah Kamal

tum to ai khushbu havaao us se mil kar aa gaiin
ek ham the zakhm-e-tanhaai haraa karte rahe

— Abdullah Kamal

main tujh ko jaagti aankhon se chhu sakun na kabhi
miri anaa kaa bharam rakh le mere khvaab mein aa

— Abdullah Kamal

ik musalsal jang thi khud se ki ham zinda hain aaj
zindagi ham teraa haq yuun bhi adaa karte rahe

— Abdullah Kamal

apne vajud se pare ab
koi bhi raasta nahin hai

— Abdullah Kamal

bas ik khaana-badoshi hai ki ab tak saath hai apne
taayyush hai tasavvur mein bhi ab koi makaan rakhnaa

— Abdullah Kamal

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

ret par ik nishaan hai shaayad
ye hamaaraa makaan hai shaayad

— Muzaffar Abdali

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

aasmaan jhaank rahaa hai 'khaalid'
chaand kamre mein mire utraa hai

— Khalid Sharif

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar