aao aaj ham donon apnaa apnaa ghar chun lein — Abdullah Kamal

vo qayaamat thi ki reza reza ho ke uD gayaa
ai zamin varna kabhi ik aasmaan meraa bhi thaa

chamak de chaand ko ThanDak havaa ko dil ko umang
udaas qisse ko phir ek shaahzaada de

tum to ai khushbu havaao us se mil kar aa gaiin
ek ham the zakhm-e-tanhaai haraa karte rahe

main tujh ko jaagti aankhon se chhu sakun na kabhi
miri anaa kaa bharam rakh le mere khvaab mein aa

ik musalsal jang thi khud se ki ham zinda hain aaj
zindagi ham teraa haq yuun bhi adaa karte rahe

apne vajud se pare ab
koi bhi raasta nahin hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

vaa'da amir-e-shahr kaa dariyaa-dili kaa thaa
dekh un kaa faiz shahr ko dariyaa banaa diyaa

shaguftagi-e-dil-e-kaarvaan ko kyaa samjhe
vo ik nigaah jo uljhi hui bahaar mein hai

in dinon garche dakan mein hai baDi qadr-e-sukhan
kaun jaae 'zauq' par dilli ki galiyaan chhoD kar

behtar to hai yahi ki na duniyaa se dil lage
par kyaa karein jo kaam na be-dil-lagi chale