zindagi azmat-e-haazir ke baghair — Abdur Rauf Urooj

khamoshi meri lai mein gungunaanaa chaahti hai
kisi se baat karne kaa bahaanaa chaahti hai

ye tabassum kaa ujaalaa ye nigaahon ki sahar
log yuun bhi to chhupaate hain andhere dil mein

nafas ke loch ko khanjar banaanaa chaahti hai
mohabbat apni tezi aazmaanaa chaahti hai

zulmatein vahshat-e-fardaa se niDhaal
DhunDhti phirti hain ghar khvaabon kaa

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

saamne umr paDi hai shab-e-tanhaai ki
vo mujhe chhoD gayaa shaam se pahle pahle

ye dil kaa dard to umron kaa rog hai pyaare
so jaae bhi to pahr do pahr ko jaataa hai

nasib se kahin marnaa kisi pe hotaa hai
maza jo is mein hai vo umr-e-jaavedaan mein nahin