apne dil mein aap hi rahtaa hai vo — Absar Abdul Ali

vaqt-e-rukhsat bhigti palkon kaa manzar yaad hai
phuul si aaankhon mein shabnam ki nami achchhi lagi

main baDaa ho gayaa huun magar bachpanaa
mere dil se kabhi bhi gayaa hi nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

'saif' andaaz-e-bayaan rang badal detaa hai
varna duniyaa mein koi baat nai baat nahin

sabr-o-qaraar-e-dil mire jaane kahaan chale gae
bichhDe hue na phir mile aise hue judaa ki bas

junun bhi zahmat khirad bhi laanat hai zakhm-e-dil ki davaa mohabbat
harim-e-jaan mein tavaaf-e-paiham yahi hai andaaz-e-aashiqaana

zamaana ishq ke maaron ko maat kyaa degaa
dilon ke khel mein ye jiit haar kuchh bhi nahin