hasinon ki donon adaaein hain dilbar — Afsar Allahabadi

tumhaare hijr mein kyuun zindagi na mushkil ho
tumhin jigar ho tumhin jaan ho tumhin dil ho

na ho yaa rab aisi tabiat kisi ki
ki hans hans ke dekhe musibat kisi ki

mujhe gum-shuda dil kaa gham hai to ye hai
ki is mein bhari thi mohabbat kisi ki

khabar deti hai yaad kartaa hai koi
jo baandhaa hai hichki ne taar aate aate

hamaaraa koh-e-gham kyaa sang-e-khaaraa hai jo kaT jaataa
agar mar mar ke zinda kohkan hotaa to kyaa hotaa

main baDaa ho gayaa huun magar bachpanaa
mere dil se kabhi bhi gayaa hi nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

'saif' andaaz-e-bayaan rang badal detaa hai
varna duniyaa mein koi baat nai baat nahin

mire to dil mein vahi shauq hai jo pahle thaa
kuchh aap hi ki tabiat badal gai hogi

sach kahaa hai ki ba-ummid hai duniyaa qaaim
dil-e-hasrat-zada bhi teraa tamannaai hai

na vo puchhte hain na kahtaa huun main
rahi jaati hai dil ki dil mein havas