kisi ne khvaab mein aakar mujhe ye hukm diyaa — Afzal Khan

ye kah diyaa hai mire aansuon ne tang aa kar
hamein ba-vaqt-e-zarurat nikaaliye saahab

ye nukta ik qissa-go ne mujh ko samjhaayaa
har kirdaar ke andar ek kahaani hoti hai

daalaan mein sabza hai na taalaab mein paani
kyuun koi parinda miri divaar pe utre

zaraa ye dusraa misraa durust farmaaein
mire makaan pe likkhaa hai ghar baraae-farokht

bhaav taao mein kami beshi nahin ho sakti
haan magar tujh se kharidaar ko naa kaise ho

isi liye hamein ehsaas-e-jurm hai shaayad
abhi hamaari mohabbat nai nai hai naa

ye naqsha hai ki munh takne lagaa hai muddaaa meraa
ye haalat hai ki surat dekhtaa hai muddai meri

main zindagi ki duaa maangne lagaa huun bahut
jo ho sake to duaaon ko be-asar kar de

fikr jab se ho gai hai jeb bharne ki unhein
ab duaa-e-shaikh ki taasir aadhi rah gai

main us ko bhuul jaaun raat ye maangi duaa main ne
karun kyaa main agar meri duaa vaapas palaT aae

ye rog lagaa hai ajab hamein jo jaan bhi le kar Talaa nahin
har ek davaa be-asar gai har ek duaa be-asar hui

na dekh mujh ko mohabbat ki aankh se ai dost
miraa vajud miraa muddaaa na ho jaae