ham aaj hanste hue kuchh alag dikhaai diye — Ahmad Ata

ab yahaan kaun nikaalegaa bhalaa duudh ki nahr
ishq kartaa hai tu jaisaa bhi hai achchhaa hai miyaan

naa-rasaai ne ajab taur sikhaae hain 'ataa'
yaani bhule bhi nahin tum ko pukaaraa bhi nahin

saDak pe baiTh gae dekhte hue duniyaa
aur aise tark hui ek khud-kushi ham se

vaisaa hi kharaab shakhs huun main
jaisaa koi chhoD kar gayaa thaa

main teri ruuh mein utraa huaa milungaa tujhe
aur is tarah ki tujhe kuchh khabar nahin honi

aaj dekhaa hai use aisi mohabbat se 'ataa'
vo yahi bhuul gayaa us ko kahin jaanaa thaa

vo zabaan jo hai 'firaaq' o 'shaad' o 'shankar' ki zabaan
us zabaan ki kyuun musalmaani kiye dete hain aap

kaisi biptaa paal rakhi hai qurbat ki aur duuri ki
khushbu maar rahi hai mujh ko apni hi kasturi ki

tiraa hijr meraa nasib hai tiraa gham hi meri hayaat hai
mujhe teri duuri kaa gham ho kyon tu kahin bhi ho mire paas hai

hazaar rukh tire milne ke hain na milne mein
kise firaaq kahun aur kise visaal kahun

raushni khud bhi charaaghon se alag rahti hai
dil mein jo rahte hain vo dil nahin hone paate

tire tasavvur ki dhuup oDhe khaDaa huun chhat par
mire liye sardiyon kaa mausam zaraa alag hai