aasmaan par garajnaa baadalon kaa — Ahmad Tariq

bataa khud ko bhalaa kaise sanvaarun
mujhe gham aainon mein dikh rahaa hai

pyaar apni jagah par ek shikaayat hai mujhe
tum ne aane mein bahut der ki aane vaale

teri aankhon teri zulfon kaa gila kaise utaarun
tere honTon par safar kartaa qalam thaktaa nahin hai

hatheli pe likh le miraa naam tu
lakiron mein rachnaa miraa kaam hai

meri aankhon kaa raat din ronaa
mere khvaabon ki aab-yaari hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

kis kaa hai jigar jis pe ye bedaad karoge
lo dil tumhein ham dete hain kyaa yaad karoge

vo jitne duur khinchte hain ta'alluq aur baDhtaa hai
nazar se vo jo pinhaan hain to dil mein hain ayaan kyaa-kyaa

hai sair nigaahon mein shabistaan adu ki
kyaa mujh se chhupaate ho tamaashaa mire dil kaa