teri aankhon teri zulfon kaa gila kaise utaarun — Ahmad Tariq

bataa khud ko bhalaa kaise sanvaarun
mujhe gham aainon mein dikh rahaa hai

aasmaan par garajnaa baadalon kaa
tere lahje kaa istiaara hai

pyaar apni jagah par ek shikaayat hai mujhe
tum ne aane mein bahut der ki aane vaale

hatheli pe likh le miraa naam tu
lakiron mein rachnaa miraa kaam hai

meri aankhon kaa raat din ronaa
mere khvaabon ki aab-yaari hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

safar mein aise kai marhale bhi aate hain
har ek moD pe kuchh log chhuT jaate hain

yuun to maujud apne ghar mein hai
aadmi mustaqil safar mein hai

dekhiye kab raah par Thiik se uTThein qadam
raat ki mai kaa khumaar dekhiye kab tak rahe

jaada-e-raah-e-mohabbat ki daraazi mat puchh
manzil-e-shauq kaa har zarra bayaabaan niklaa