aashiqi kaa ho buraa us ne bigaaDe saare kaam — Akbar Allahabadi

khincho na kamaanon ko na talvaar nikaalo
jab top muqaabil ho to akhbaar nikaalo

log kahte hain badaltaa hai zamaana sab ko
mard vo hain jo zamaane ko badal dete hain

ham aisi kul kitaabein qaabil-e-zabti samajhte hain
ki jin ko paDh ke laDke baap ko khabti samajhte hain

shaikh apni rag ko kyaa karein reshe ko kyaa karein
mazhab ke jhagDe chhoDein to peshe ko kyaa karein

jis taraf uTh gai hain aahein hain
chashm-e-bad-dur kyaa nigaahein hain

hayaa se sar jhukaa lenaa adaa se muskuraa denaa
hasinon ko bhi kitnaa sahl hai bijli giraa denaa

jab ki pahlu se yaar uThtaa hai
dard be-ikhtiyaar uThtaa hai

ye zillat-e-ishq tere haathon
ai dost tujhe kahaan chhupaa lein

dil-dukhe roe hain shaayad is jagah ai ku-e-dost
khaak kaa itnaa chamak jaanaa zaraa dushvaar thaa

dayaar-e-ishq aayaa kufr-o-imaan ki hadein chhuTin
yahin se aur paidaa kar khudaa o ahraman koi

ye dil bhi dost zamin ki tarah
ho jaataa hai Daanvaa-Dol kabhi

jab dosti hoti hai to dosti hoti hai
aur dosti mein koi ehsaan nahin hotaa