shaakh-e-tanhaai se phir nikli bahaar-e-fasl-e-zaat — Akhtar Husain Jafri

dil jahaan baat kare dil hi jahaan baat sune
kaar-e-dushvaar hai us tarz mein kahnaa achchhaa

tapish gulzaar tak pahunchi lahu divaar tak aayaa
charaagh-e-khud-kalaami kaa dhuaan baazaar tak aayaa

koi tashbih kaa khurshid na talmih kaa chaand
sar-e-qirtaas lagaa harf-e-barhana achchhaa

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

angDaai par angDaai leti hai raat judaai ki
tum kyaa samjho tum kyaa jaano baat miri tanhaai ki

tasvir ke do rukh hain jaan aur gham-e-jaanaan
ik naqsh chhupaanaa hai ik naqsh dikhaanaa hai

daastaan-e-gham-e-dil un ko sunaai na gai
baat bigDi thi kuchh aisi ki banaai na gai