muddatein ho gaiin bichhDe hue tum se lekin — Akhtar Shirani

kis ko fursat thi zamaane ke sitam sahne ki
gar na us shokh ki aankhon kaa ishaaraa hotaa

ab to miliye bas laDaai ho chuki
ab to chaliye pyaar ki baatein karein

zindagi kitni masarrat se guzarti yaa rab
aish ki tarah agar gham bhi gavaaraa hotaa

yaad aao mujhe lillaah na tum yaad karo
meri aur apni javaani ko na barbaad karo

un ras bhari aankhon mein hayaa khel rahi hai
do zahr ke pyaalon mein qazaa khel rahi hai

jo bhi buraa bhalaa hai allaah jaantaa hai
bande ke dil mein kyaa hai allaah jaantaa hai

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

miri hasti hai miri tarz-e-tamannaa ai dost
khud main fariyaad huun meri koi fariyaad nahin

fikr-e-maaash ishq-e-butaan yaad-e-raftagaan
is zindagi mein ab koi kyaa kyaa kiyaa kare

jis roz kisi aur pe bedaad karoge
ye yaad rahe ham ko bahut yaad karoge

'saudaa' tiri fariyaad se aankhon mein kaTi raat
aai hai sahar hone ko tuk tu kahin mar bhi