hairat se dekhtaa huaa chehra kiyaa mujhe — Akram Naqqash

jaise paani pe naqsh ho koi
raunaqein sab adam-sabaat rahin

ye kaun si jagah hai ye basti hai kaun si
koi bhi is jahaan mein tere sivaa nahin

jiyungaa main tiri saanson mein jab tak
khud apni saans mein zinda rahungaa

kuchh to inaayatein hain mire kaarsaaz ki
aur kuchh mire mizaaj ne tanhaa kiyaa mujhe

ishq ik aisi haveli hai ki jis se baahar
koi darvaaza khule aur na daricha nikle

hazaar kaarvaan yuun to hain mere saath magar
jo mere naam hai vo qaafila kab aaegaa

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

ye ishq nahin aasaan itnaa hi samajh liije
ik aag kaa dariyaa hai aur Duub ke jaanaa hai

jhuuT ke aage pichhe dariyaa chalte hain
sach bolaa to pyaasaa maaraa jaaegaa

dil hai qadmon par kisi ke sar jhukaa ho yaa na ho
bandagi to apni fitrat hai khudaa ho yaa na ho

dil gayaa raunaq-e-hayaat gai
gham gayaa saari kaaenaat gai

ishq huaa jab un ko paDhte dekhaa thaa
'mir' ki ghazlein dariyaa-ganj ke circle par