bik jaataa huun haathon-haath — Aks Samastipuri

yaar main itnaa bhukaa huun
dhokaa bhi khaa letaa huun

ek rishta jise main de na sakaa koi naam
ek rishta jise taa-umr nibhaae rakkhaa

kaise tum bhuul gae ho mujhe aasaani se
ishq mein kuchh bhi to aasaan nahin hotaa hai

bas isi ummid pe hotaa gayaa barbaad main
gar kabhi bikhraa to aa kar tu sambhaalegaa mujhe

tu sirf meri hai us kaa ghurur hai mujh ko
agar ye vahm meraa hai to koi baat nahin

thaa mujhe vahm-o-gumaan ki vo faqat meri hai
aur us ne bhi bharam meraa banaae rakkhaa

mere khvaabon ke jharokon ko sajaate rahiye
na sahi vasl magar yaad to aate rahiye

qurb hi kam hai na duuri hi ziyaada lekin
aaj vo rabt kaa ehsaas kahaan hai ki jo thaa

khud mujh ko bhi taa-der khabar ho nahin paai
aaj aai tiri yaad is aahista-ravi se

ghurbat ki ThanDi chhaanv mein yaad aai us ki dhuup
qadr-e-vatan hui hamein tark-e-vatan ke baad

vafur-e-be-khudi-e-ishq ke rumuz na puchh
kai dafa to tiraa naam bhi na yaad aayaa

afsaana-go ko yaad nahin khatm-e-daastaan
chheDi hai us ne zulf-e-shikan-dar-shikan ki baat