pahle nisaab-e-aql huaa ham se intisaab — Alamtaab Tishna

visaal-e-yaar ki khvaahish mein aksar
charaagh-e-shaam se pahle jalaa huun

nafrat bhi usi se hai parastish bhi usi ki
is dil saa koi ham ne to kaafar nahin dekhaa

ham apne ishq ki ab aur kyaa shahaadat dein
hamein hamaare raqibon ne mo'tabar jaanaa

har daur mein rahaa yahi aain-e-munsifi
jo sar na jhuk sake vo qalam kar diye gae

is raah-e-mohabbat mein tu saath agar hotaa
har gaam pe gul khilte khushbu kaa safar hotaa

tamaam umr ki divaangi ke baa'd khulaa
main teri zaat mein pinhaan thaa aur tu main thaa

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

main dastaras se tumhaari nikal bhi saktaa huun
ye soch lo ki main rasta badal bhi saktaa huun

mere andar koi taktaa rahaa rasta us kaa
main hamesha ke liye rah gai chilman ban ke

ab bhi khaDi hai soch mein Duubi ujyaalon kaa daan liye
aaj bhi rekhaa paar hai raavan siitaa ko samjhaae kaun

lagaae piiTh baiThi sochti rahti thi main jis se
vahi divaar lafzon ki achaanak aa rahi mujh par