lagaae piiTh baiThi sochti rahti thi main jis se — Aziz Bano Darab Wafa

ahmiyat kaa mujhe apni bhi to andaaza hai
tum gae vaqt ki maanind ganvaa do mujh ko

main ne ye soch ke boe nahin khvaabon ke darakht
kaun jangal mein uge peD ko paani degaa

ek muddat se khayaalon mein basaa hai jo shakhs
ghaur karte hain to us kaa koi chehra bhi nahin

ham aise surmaa hain laD ke jab haalaat se palTe
to baDh ke zindagi ne pesh kiin baisaakhiyaan ham ko

main jab bhi us ki udaasi se uub jaaungi
to yuun hansegaa ki mujh ko udaas kar degaa

aaj kam-az-kam khvaabon hi mein mil ke pi lete hain, kal
shaayad khvaabon mein bhi khaali paimaane Takraaein log

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo ajab ghaDi thi main jis ghaDi liyaa dars nuskha-e-ishq kaa
ki kitaab aql ki taaq par juun dhari thi tyuun hi dhari rahi

tere bin hayaat ki soch bhi gunaah thi
ham qarib-e-jaan tiraa hisaar dekhte rahe

har subh nikalte hain yahi soch ke ghar se
bikhri hui duniyaa ko sameTeinge kisi din

azaab-e-daanish-e-haazir se baa-khabar huun main
ki main is aag mein Daalaa gayaa huun misl-e-khalil