main bhari saDkon pe bhi be-chaap chalne lag gayaa — Ali Akbar Abbas

zaraa haTe to vo mehvar se TuuT kar hi rahe
havaa ne nochaa unhein yuun ki bas bikhar hi rahe

main khoe jaataa huun tanhaaiyon ki vusat mein
dar-e-khayaal dar-e-laa-makaan hai yaa kuchh aur

main apne vaqt mein apni ridaa mein rahtaa huun
aur apne khvaab ki aab-o-havaa mein rahtaa huun

apnaa aap nahin hai sab kuchh apne aap se niklo
badbuein phailaa detaa hai paani kaa Thahraao

ai shaaer! teraa dard baDaa ai shaaer! teri soch baDi
ai shaaer! tere siine mein is jaisaa laakh bahe dariyaa

usi peD ke niche dafn bhi honaa hogaa
jis ki jaD par main ne apnaa naam likhaa hai

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

ye aansu ponchh lijiye aur muskuraaiye
chaara nahin hai koi bhi rukhsat kiye baghair

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

dasht ki naa-tamaam raahon par
koi saathi hai to shajar tanhaa

udaas aankhon se aansu nahin nikalte hain
ye motiyon ki tarah sipiyon mein palte hain